Ra'iisul wasaaraha Somalia Nuur Xasan Xuseen [Nuur Cadde] oo wareysi gaar ah siiyay wargeyska
Los Angeles Times ee
kasoo baxa dalka Mareykanka ayaa kaga hadlay arimo badan oo ay ka mid
yihiin; khilaafka kala dhexeeya Madaxweyne Yuusuf, deegaanada ay
qabsadeen mucaaradka iyo qorshaha dib u heshiisiinta.
Wareysigiina waa kan:
Sidee u arko hadalkii kasoo yeeray Madaxweyen Yuusuf ee ahaa inaysan dalka ka jirin dowlad?
Waa wax aad looga xumaado in Madaxweyne uu hadalkaas kasoo yeero,
waayo xukuumada oo dhan waxay ku sugan tahay dalka Kenya wayna
shaqeynayaan; ujeedadeena ugu weyna waa inaan sii wado dib u
heshiisiintii lagu gaaray dalka Jabuuti bishii August".
Kooxaha mucaaradka sidee ugu suurogashay inay qabsadaan deegaano ay
dowladu xukumaysay iyadoo aysan jirin wax dagaalo ah oo dhacay?
"Waxaan doonaynaa inaan sugo amaanka dalka oo dhan, balse taas
haatan waa nagu dhib, waxa dhacaya dhibaatooyin badan. Khilaafka
madaxda sarsare ee xukuumada ayaa noqday mid aan dhamaad lahayn, markii
mid xal laga gaaro mid kale ayaa soo baxaya, waana taas mashaakilka ugu
weyn ee na haysta"
Baqdin ma ka qabtaan in mucaardku ay si fudud ku qabsadaan Muqdsiho?
"Maya...! Muqdisho amaankeed si aad ah ayaa loo ilaalainayaa"
Maadaama ay mucaaradku kala jabeen ma laga yaabaa inaad la fariisato
Ururka Al-shaabab iyo Sheekh Xasan Daahir oo ka horjeeda heshiiskii
lagu gaaray dalka Jabuuti?
"Mucaaradka oo dhan waxay ku kala jabeen natiijadii kasoo baxday
heshiiskii Jabuuti, maanta mucaardku waxay ka kala imaanayaan laba jaho
oo kala duwan, iyagoo awood kala sheeganaya, waxayna leeyihiin: [Anagu
halkaan ayaa joognaa, nalama mooga, heshiisyada socdana ma ahan kuwo
dhameystiran, ama waan dagaalamaynaa], waxaan xalin doonaan
dhibaatooyinka ka dhex jira xukuumada, albaabadeena wadahadalada waa
kuwo furan, umana diidayno cid walba oo soo galaysa".
Maxaa ka oran lahayd aragtida Mareykanka ee ku aadan dadkaas
[Al-shaabab iyo Sh. Xasan Daahir] inay xiriir la leeyihiin Al-qaacida?
"Hagaag...! argagaxiso naguma soo biirayso, dadka xiriirka la leh
argagaxisada waxay adeegsadaan caruurta yaryar, iyagoo siinaya lacago,
waxaan dadaal u galaynaa sidii aan kaga soo furi lahayn caruurtaas,
waxaana u sameynaynaa shaqooyin iyo tababaro".
Ma aqbalaysaa in Sheekh Shariif Sheekh Axmed uu noqdo Ra'iisul wasaaraha Somalia, adigana aad xilka ka dagno?
"Dhowr jeer ayaan ku celceliyay, kursiga aan ku fadhiyo ma ahan muhim, waan is casilayaa hadii ay taasi dan ugu jirto dalka"
Ma ku fikiryasaa in Madaxweyne Yuusuf uu is casil?
"Haa...! waan ku taageeri lahaa Madaxweynaha arrintaas, waayo
dhibaatada dalka hortaagan waa isaga. maxaa yeelay Madaxweynaheenu
wuxuu abuurayaa rabshado, halkii uu ka abuuri lahaa nabad, wuxuu
doonayaa inuu dalka uu magan u ahaado afduubyo siyaasadeed"
Xukuumadu waxay ku guuldareysatay inay sameyso dastuur cusub, inay
sameyso guddi doorasho, inay dajiso sharciga doorashooyinka ayna
sameyso tirakoobyo, iyadoo sanadka soo socda doorashooyin la qabanayo?
"Dastuurka mar hore ayaa la diyaariyay, qorshihiisuna waa socdaa, laakiin waxaa gaabis ka dhigay khilaafka jira"
Kaalin ma ku ledahay sharecada Islaamka dasturka cusub ee aad dajinaysan?
"Shareecada Islaamku muhim ayay u tahay Somalia, dadka Soomaaliyeed
100% waa muslim ,waxayna rumeysan yihiin shareecadu inay tahay saldhiga
nolosha caadiga ah, sidaa daraadeed, dastuurkeena waxaa saldhig u ah
sharciga Islaamka, Qodob kasta oo ka mid ah dastuurka wuxuu ku saleysan
yahay shareecada"
.
Garowe Online, Muqdisho
