|
|
|
|
|
|
|
|
|
|
| Last Updated: Jun 14, 2010 - 8:03:37 PM |
|
|
|
 |
 |
|
|
|
Rag lagu karbaashay Beledweyne
30 Nov 30, 2008 - 6:36:07 PM
|
Maxkamada Islaamiga ee Degmada Beledweyne ayaa maanta xukun tacsiir ah ku xukuntay ilaa 5 qof oo lagu soo qabqabtay xashiish iyo qamaar meel fagaaro ah.
Ragan mid ka mid ah oo ilaa 30 garbaash lagu dhuftay ayaa la sheegay in lasoo qabtay isaga oo waxyaabo maandooriyo ah isticmaalayo halka labo kalena lagu dhuftay 20 garbaash waxaan la sheegay in ay qamaar dheelayeen sidoo kale 2 ayaa iyaguna midkiiba lagu dhuftay 15 garbaash waxaana xukunkaasi sida ay sheegtay maxkamada loo cuskaday shareecada islaamka.
Goobta xukunkan tacsiirka lagu fuliyayay ayaa ahayd meel fagaaro ah oo ay u soo daawasho tagay dadweyne aad u badan kuwaasoo la dhacsanaa xukunka maxkamada islaamka iyadoo sidoo kalana goobjoog ay ahaayeen maamulka sar sare ee midowga maxkamadaha gobolka Hiiraan.
Dadweynaha ku dhaqan gobolka gaar ahaan Magaalada B/weyne ayaa soo dhaweeyay xukumada ay maxkamada islaamiga ah ay ku fulineyso dambiilayaasha kuwaasoo ah mid ku taxluqa shareecada islaamka waxayna intaasi ku dareen in ay bilow u tahay xal u helida dhibaatooyinka daashada dadka soomaaliyeed loona baahanayahy in si buuxda loogu dhaqmo shareecada islaamka.
Ma'ahan markii ugu horeysay oo xukun tacsiir ah ay fuliso maxkamada islaamaiga ee Degmada B/weyne iyadoo sidan oo kale todobaadkii hore bilowgiisa ku fulisay wiil dhalinyaro ah oo galmo xaaraan ah kula kacay gabar ka dibna maxkamadu ay xukuntay in 100 garbaash lagu dhufto.
Ilyaas Guute, Garowe Online
Beledweyne, Somalia
|
|
|
|
|
|
|
|
|
|
|
|
|
|
|
|
|
