GAROWE ONLINE
Guddiga dabargoynta bacaha oo maanta 10 February,2013 ku shiray Garoowe ayaa ku dhawaaqay
inay mamnuuc tahay soo dejinta,haysashada,wax lagu qaato Bacaha ka dib
markii la agaaday dhibaatada ay u gaysato caafimaadka
dadka,Xoolaha iyo deegaanka waxaana joojinta bacaha ee deegaanada
Puntland oo meelmariyey golaha Xukuumadda iyo Baarlamaanka dawladda
Puntland.
Wasaaradaha iska kaashana dabar goynta Bacaha ayaa waxay kala yihiin wasaaradda deegaanka,Dekedaha,Maaliyadda,
Duulista
hawada,Warfaafinta,Taliska Booliiska & hay'ado kele oo dawladda
Puntland ka tirsan waxaana dhamaantood iska kaashanayaan inaan Bacaha Puntland laga soo dejin,lagu dhex iibin iyo in aan la isticmaalin.
Wasiiru dawlaha Maamulka wanaaga Puntland Maxamed Faarax Ciise
Gashaan oo ka mid ah Guddiga dabargoynta ayaa Saxaafadda u soo gudbiyey
ciqaabaha ay la kulmayaan qofka & meheradaha lagu arko
bacaha,waxaana ganaaxyadu ay iskugu jiraan xariga & lacago
ganaaxa,wuxuuna bulshada uu ku booriyey inay joojiyaan isticmaalka
Bacaha oo dhibaatooyin caafimaad oo daran keena.
Wasiiru dawlaha Wasaaradda deegaanka Sulaymaan Maxamuud Siciid
(Dhoodi) ayaa ka shekeyey dhibaatooyinka Bacuhu ku hayaan degaanka isida
dhirta & Xoolaha oo uu xusay inay u kuurgaleen dhanka dadka ayuu
sheegay inay xanuunada ay keento ay ka mid yihiin Sonkorowga,Dhalmo
La'aan,Kelyo xanuun & hamad la'aan,bulshadana wuxuu u jeediyey inay
maanta wixii ka danbeeya inay joojiyaan Bacaha,oo sheegay inay is gafayn
Sarciga & qofka lagu arko oo lagu qaadayo.
Halkan ka dhageyso Warbixin Cabdiqani Irbad ka diyaarshay Bacaha
