Guddiga Doorashooyinka Puntland ayaa u soo gudbiyey horey golaha codsiga wax ka bedelka xeerka ururada iyo axsaabta siyaasada oo ay cod aqlabiyad ah ku ansixiyeen kadib markii goluhu in badan ka doodey qodobadaasi.
Qodobadda 2-aad ,3-aad iyo 8-aad ayay ahaayeen kuwa wax laga badalay xeerka ururada siyaasada ,waxana ay ahaayen qodobadu:
Qodobka 2-aad
Qabashada Codsiyada Diiwaagelinta
2.2 Xarafka T: Liiska magacyada asaasayaasha urur/xisbi iyo liiska guddiga fulinta ee ku meel gaarka ah.Golaha Dhexe ee urur/xisbi waxa laga doonayaa shirweynaha ugu horeeya ee ururka/xisbiga.
2.2 Xarafka Kh : Urur kasta waa inuu keenaa cadayn bixinta diibaaji dhan $7.500 (Todobadda kun iyo shan boqol oo doollar) oo aan celis lahayn .Lacagta deebaajiga ah waa dakhli dowladeed ,Waxaana lagu shubayaa Bangiga Dhexe ee Puntland.
2.2 Xarafka D: Xisbi kasta waa inuu keeno cadayn bixinta diibaaji dhan $15.00
(Shan iyo Tobban kun oo doollar) oo aan celis lahayn .Lacagta
deebaajiga ah waa dakhli dowladeed ,Waxaana lagu shubayaa Bangiga Dhexe
ee Puntland.
Qodobka 3-aad
Ururada/Xisbiyada Siyaasadeed ee ku-meelgaarka ah
T: Si urur loo sharciyeeyo waa inuu xarumo ku leeyahay ugu yaraan 5-Gobol oo ka mid ah 8-da Gobol ee Puntland ,waana in ay uga diiwaangashan yihiin 300 (Saddex Boqoll) oo taageere/cod-bixiye, ururka isku bedela xisbi waa inuu xafiisyo ku yeeshaa dhamaan 8-da Gobol ee Puntland.
Qodobka 8-aad
Degmooyinka dalka
1- Dhamaan 37-da degmo ee Puntland doorashooyinka deegaanka waa loo qorsheynayaa inay ka dhacaan meesha ay ka dhici karto , waxaana loo samaynayaa Golayaal deegaan meeshii qaadan karta, mashaariicda horumarinta deegaanada Puntland oo dhan waa u simanyihiin.
2- Inta laga samaynayo Tirokoob dadweyne oo sugan waxaa Xildhibaanada Baarlamaanka Axsaabtu ugu tartamayaan Gobolk walba tiradii Xildhibaanada ee uu horey u lahaa, waxaana lagu qeexi doonaa Xeerka Doorashada Golaha Wakiilada ee ay soo gudbin doonaan Guddiga Doorashooyinka ku meel gaarka ah ee Puntland.
