GAROWE ONLINE

Kadib Xafladii xalay lagu qabtey Madaxtoyada Bossaso oo lagu maamuusayey sanadguuradii Afraad ee ka soo wareegtey Doorashadii Madaxweyne Dr.Cabdiraxman Shiikh Maxamed Farole iyo khudbadiisi taariikhiga ahayd ee soo koobeysey waxqabadkii Afartii sanno ee la soo dhaafay ayaa in badan hadal haynteedu socotey.

Idaacada Radio Garowe oo in badan siyaasada Puntland iyo horumarkeeda ka hadasha ayaa dadweynaha u soo bandhigtey barnaamijka Rayiga Dadweynaha dooda ku saabsan argtidooda khudbadii iyo maamulka Dr.Farole xafiiska inta uu joogey.

Dadkii ka qaybgalay iyo kuwa khadka taleefanka soo galay ayaa intuba si weyn u cadeeyey inaan marnaba la iska indho tiri karin horumarka balaaran ee ku talaabsatey xukuumadda hogaamiyo Dr.Farole.waxana uu qofba ka hadlayey inta xiiso gelisey khudbadiisi Madaxtoyada Bossaso.

In badan ayay u hanbalyeeyey Madaxweynaha dadkii ka qaybgalay barnaamijka ,waxana si weyn la iskugu raacey in la gaaray xiligii dadweynuhu codkooda siin lahaayeen ciday kalsoonida bidaan sidaasina looga baxayo wax ku qaybsiga qabiilka.

Halkan ka dhageyso Barnaamijka uu daadihinayo Aadan Xaaji Sooyaal