Wararka laga helayo Degmada Bander Beyla ee gobolka Karkaar ayaa sheegaya in Dooni ku socotey Magaalada Muqdisho ay ku degtey Badweynta Hindiya meel u dhow Xeebta Bayla.

Agaasimaha waaxda Dowladaha Hoose ee wasaarada arimaha gudaha Puntland Jaamac Xasan Xuseen oo howlo shaqo u jooga Degmda Bandar Beyla ayaa Radio Garowe uga waramay xaalada Bayla iyo doonta degtay.

Dadka deegaanka ayaa sheegaya inay arkeen qaar ka mid ah alaabtii saarnaa Doonta,waxaase ilaa iyo hada la hayn dadkii saarnaa doonta inay dhinteen iyo in kale.

Mamulka Degmada Bandar Bayla ayaa hada ku howlan gurmadka loo fidinayo dadka doontaasi saaran,inkastoo baduna ay kacsan tahay hadana waxaa socda gurmadka dadka lagu soo bad baadinayo.

Dufaanta Faul 4 ayaa horey looga digey Xeebaha Badweynta Hindiya magaalooyinka ku yaal ,waxana ilaa iyo haatan aan si dhab ah looga war hayn inta uu garsisanyahy khasaraha ay gaysatey.

Halkan ka dhageyso wareysiga uu qaadey Wariye Cali Fantastic