AKHRI: Sarkaal lagu dilay Lascano

Gudoomiyaha Gobolka Sool ee Somaliland Cabdulaahi Jaamac Isleged ayaa Radio Garowe u sheegay in dilkii xalay loo gaysaty Taliyihii xabsiga Laascaanood ay u qabqabteen Toddoba (7) qof oo qaarna lagu tuhmay,kuwo kelelna ay u dhawdahay inay ka dambeeyeen dilkii Marxuum Cabdi Ciise Nuur.

Cabdulaahi Jaamac oo dhawaan Madaxweynaha Somaliland gobolkaasi u soo magacaabay ayaa sheegay in ugaadhsiga mas'uuliyiinta gobolkaasi ay isaga ka horaysay, haadana aad moodid inay bilameen, wuxuuna ku nuuxnuuxsaday inay wax ka qabanayaan qorshayaal lagaga hortagayna ay u dejiyeen.
 
Magaalada Laascaanood ayaa laga dareemayaa wixii ka dambeeyey dilka taliyaha xabsiga jawi ka duwan kii ay ku sugnayd waxaana dadku ay aad u hadalhayan dilkan lagu soo beegay bisha barkaysan ee ramadaan iyo cabsi ay ka qabaan ciidanka Somaliland oo marka falalka noocan oo kele ahi ay dhacaan sameeya hawlgalo saameeya dad aan waxba galabsan.

GAROWE ONLINE