Ururka Hor-Cad oo laga dhawaaqey 4 Dec 4, 2012 - 8:46:20 AM
GAROWE ONLINE
Hotel Jubba ee magaalada Bossaso ayaa maanta 03 December,2012 waxa looga dhawaaqey urur siyaasadeedka Horumarka iyo Cadaalada ee loo soo gaabsho Hor-Cad.
Masuuliyiinta dowladda ,Issimo ,Waxgarad ,Aqoonyahano iyo dhalinyaro ayaa ka qaybgalay wanqalka Ururkan ku soo biirey saaxada siyaasadeed ee Puntland.
Ganacsade Cabdiqadir Axmed Ducaale oo ka mida ahaa asaasayaashii Maxjarka Bossaso ayaa gudoomiye ka ah ururkan ,waxana dhowaan lagu wadaa inay ururo kale dhabahan ay qaadaan.
Dhamaan dadkii ka hadlay xafladan ayaa soo dhoweeyey urur siyaasadeedkan Hor-Cad oo ay sheegeen inuu yahay horumar ku soo siyaadey Puntland loona baahnaa in tiradu badato.
Tan iyo Marki Horseed Garowe looga dhawaaqey ayaa shalay iyo maanta waxa soo baxay Ugub iyo Hor-Cad ,waxana dadweynuhu rajo wanaagsan ka muujinayaan hirgelida nidaamka axsaabta badan Puntland.
