Bossaso: Xuska Maalinka Saxaafada 21 Jan 21, 2013 - 5:11:53 AM
GAROWE ONLINE
Iyadoo ay maanta 21 January,2013 ku beegneyd maalinka Saxaafada Soomaliyeed loo asteeyey 40 sano ka hor ayaa dalka guud ahaan waxa lagu qabtey munaasabado kala gedisan oo lagu maamuumsayo maalinkan sida Muqdisho ,Bossaso ,Garowe iyo Galkacayo.
Magaalada Bossaso xarunta ganacsiga Puntland ayaa Hotel Juba ay dhacdey xafladani ay ka soo qaybgaleen wasiir ku xigeenka Warfaafinta Puntland ,wasiiro kale oo ka tirsan maamulka ,Duqa Degmada Bossaso,odayaasha dhaqanka,ururada siyaasada Puntland qaarkood ,shirkada Golis hormuudkeeda iyo saxaafada ka hawlgasha gobolka Bari.
Hadalo dhiriigelin iyo dardaaran iskugu jira ayaa wariyaasha loo jeediyey ,waxana sidoo kale ay ka soo shekeyeen xiligii adkaa ee saxaafadu soo martay kadib burbukii dowladii dhexe Somalia.
Shirkada Golis ayaa hadiyado u qaybisey wariyaaasha oo qalabka ay ku shaqeyaan iskugu jirtey ,waxana qayb ay ka ahayd sida Cumar Faaruuq sheegey dhiirigelinta wariyaasha Puntland.
