Ceel-biyood la dhagax dhigey 1 Jan 1, 2013 - 4:43:33 AM
GAROWE ONLINE
Shirkadda biyaha Nugaal ee ‘’Nugal Water Company’’ NUWACO ayaa shaacisey maanta 01,January ,2013 inay ka qodeyso ceel biyood ay sheegtay inay faa’idaysandoonaan 1,5120-qoys oo barakacayaal ah oo kuna nool xero ku taala duleedka degmada Burtinle ee gobalka Nugaal,
Hayada World Vision ayaa dhaqaalaha bixineysa ,waxana dhagax dhiga ka soo qaybgalay xubno matalayey hayada ,PASAWEYN ,HADMA ,xubnaha maamulka degmada Burtinle iyo dadweynaha qaarkood ka faa’ideysanaya ceelkan.
Ceelkan ayaa lagu tilmaamay mid wax ka bedeli doona nolosha dadka barakacayaasha ah ee ku dhaqan halkaasi kadib marka biyaha laga soo saaro.
Gudoomiyaha shirkada biyaha Nugaal ee NUWACO Cabdisamad Islaan Maxamed ayaa sheegay in ay ku guuleysan doonaan sidii ay biyo uga heli lahaanyeen goobta la dhagax dhigay,isagoo tilmaamay inay ka faa’iadaysdoonaan dadka barakacayasha ah iyo kuwa deegaankuba.
Gudoomiyaha degmada Burtinle Nugaal Faarax Maxamuud Jaamac (Salwe) ayaa soo dhaweeyey mashruuca biyo gelinta ah,wuxuuna xusay inay wayn ka tari doonto haddii la helo biyo nadiifa.
Tirada dadka ku dhaqan xerada ku taala dulleedka dhinaca waqooyi ee degmada Burtinle ayaa waxaa lagu sheegay in ay dhan tahay 1,512 qoys kuwaasi oo baahi weyn u qabay in ay biyo hellaan si ay noloshoodu ugu maareeyaan.
