|
|
|
|
|
|
|
|
|
|
| Last Updated: Apr 3, 2012 - 2:47:55 AM |
|
|
|
 |
 |
|
|
|
Ciidamada Uganda oo deeq bixiyay
6 Feb 6, 2012 - 5:59:44 AM
|
Ciidamada Uganda ee ka tirsan AMISOM ayaa waxay gargaar u qaybiyeen qoysas ku jira kaamamka Muqdisho ku yaala, waxaana sidoo kale ay baaritaano caafimaad u sameeyeen qaar ka mid ah barakacayaasha Muqdisho.
Gargaarka AMISOM ay bixisay ayaa waxay ku maamuusaysay sanadguuradii 31-aad ee kasoo wareegtay markii la aasaasay ciidamada Uganda oo ahaa xoogagii daacada u ahaa Yoweri Museveni oo dalkaas qabsaday sanadkii 1986-kii.
Taliyaha ciidamada Uganda ee Muqdisho ku sugan Gen. Paul Lokech ayaa sheegay in qorshahoodu uu yahay inay u muujiyaan shacabka Soomaaliyeed sida ay u tix-gelinayaan saxiibtinimadooda.
"Waxaan diyaar u nahay inaan qayb ka qaadano sidii lagu soo celin lahaa amaanka guud ee Somalia, waayo Somalia mudo dheer ayay dagaalo kusoo jirtay" ayuu yiri Gen. Paul Lokech oo la hadlayay barakacayaal ay u qaybiyeen deeqda kala duwan.
Deeqaha ay AMISOM bixisay ayaa waxay isugu jireen 100,000 Liter oo biyo nadiifa ah, iyo 10,000 oo xabo oo Maro-Kaneeco ah, waxaana sidoo kale ay baaritaan u sameeyeen kumanaan barakacayaal ah oo Muqdisho ku sugan.
Gargaarka caafimaad ee ay bixisay Uganda ayaa waxaa ka mid ahaa daweynta caruurta, dadka waaweyn, baarista cudurada Indhaha iyo weliba cudurada ku dhaca qaybaha kale ee jirka.
Howsha caafimaad ayaa waxaa fulinayay dhaqaatiir ka tirsan ciidamada Uganda oo qayb ka ah howlgalka AMISOM ee Somalia, waxaana tani ay qayb ka tahay sida ay sheegeen saraakiisha gacanta ay siinayaan Somalida.
"Deeqdan waxay AMISOM ka kaalmeynaysaa inay jadiidiso xiriirka kala dhexeeya Somalida" sidaa waxaa yiri Col. Katwekyeire Kamurari oo ah taliyaha AMISOM ee ciidamada Rayidka ah.
Col. Katwekyeire wuxuu sidoo kale sheegay in ciidamada Uganda uu uga mahad-celinayo horumuudka ay u yihiin howlgalka AMISOM, isagoo sheegay inay yihiin ciidamadii ugu horeeya ee Somalia yimaada.
GAROWE ONLINE
|
|
|
|
|
|
|
|
|
|
|
|
|
|
|
|
|
