''Xooluhu waa xanuunsanyihiin'' 17 Jan 17, 2013 - 6:44:54 AM
GAROWE ONLINE
Deegaano ka tirsan Miyiga goboladda Nugaal iyo Mudug ayaa laga soo sheegayaa inay ka dilaaceen cuduro kala duwan oo saameeyey Xoolaha ku dhaqan halkaasi.waxana ka mida Sanbabka ,Jadeecada iyo Shubanka.
Macalin Maxamed Cabdi Muuse oo ka mida dadka deegaanka lana hadlay Radio Garowe ayaa sheegey in xoolaha ay khatar soo wajahdey halkaasi ku dhaqan,waxana uu tilmaamay in deegaano faro badan ay xoolahani iskaga soo hayaameen.
Wasaarada Xaanaanada Xoolaha oo horey u shaacisey inay Hal milyon oo xoolaha Puntland ka talaashey cudurada kala duwan ayuu codsi u dirsadey inay la soo gaaraan dawo iyo talaal si loo badbaadsho xoolaha Puntland.
Warsidaha Garowe Online ayaa dhowaan idiinku soo gudbin doona Warka Wasaarada Xanaanada Xoolaha Puntland ee ku aadan wax ka qabasha la’aanta deegaanada ka baxsan laamiga.
Halkan ka dhageyso Maxamed Cabdi oo uu wareysanayo Siciid Axmed
