|
|
|
|
|
|
|
|
|
|
| Last Updated: Apr 3, 2012 - 2:47:55 AM |
|
|
|
 |
 |
|
|
|
Dagaal culus oo Baladweyne ka dhacey
11 Feb 11, 2012 - 5:52:36 AM
|
Dagaal u dhexeeya Maleeshiyo beeleed hubeysan iyo Ciidamada Maamulka Dooxada Shabeele oo taageersan DF ayaa ka socda degmada Baladweyne, iyadoo dagaalku uu sii xoogeysanayo saacadba saacada ka dambeysa.
Wararka laga helayo Baladweyne ayaa waxay sheegayaan in khasaaraha dagaalka uu dhaliyay ay gaarayso dhimashada 5-qof oo ay ku jiraan nin iyo xaaskiisii iyadoo ay ku dhaawacmeen dad ku dhow 10-qof oo shacab u badan.
Rasaasta ay kooxahan u adeegsanayaan dagaalka ayaa waxay ku dhacaysaa xaafadaha bariga Baladweyne, iyadoo dagaalku uu ka socda xaafada Howlwadaag oo dhinaca Galbeed ee degmada ku taala.
Col. Maxamed Nuur Caga-joog oo ah Xoghayaha Warfaafinta ee Maamulka Dooxada Shabeele ayaa sheegay in dagaalku uu u dhexeeyo ciidamada Maamulka uu ka tirsan yahay iyo Maleeshiyo uu sheegay inay gacansaar la leeyihiin Al-shabaab.
Dagaalka ayaa saameyn xoogan ku yeeshay Magaalada Baladweyne iyadoo la xiray gabi ahaan suuqyadii iyo goobihii ganacsiga, waxaana dadka qaarkood ay sheegeen in xalaadu ay tahay mid aad u daran.
Maleeshiyada maamulka la dagaalansan ayaa la sheegay inay kasoo jeedaan beesha Gaaljecel oo ka mid ah beelaha daga Gobolka Hiiraan, gaar ahaan Baladweyne oo ah xarunta gobolkaas.
Waxgaradka beeshan la dagaalamaysa ciidamada DF ee Baladweyne ku sugan ayaan weli ka hadlin dagaalka, iyadoo ciidamada Ethiopia ee ku sugan Degmada aysan wax lug ah ku lahayn dagaalka.
Magaalada Baladweyne oo Al-shabaab ay ka qabsadeen dhamaadkii bishii December ee sanadkii hore ciidamo Ethiopian ah iyo kuwa Dooxada Shabeele oo taageersan DF ayaa wuxuu noqonayaa dagaalkan kii ugu horeeyay oo ka dhaca magaalada Gudaheeda.
GAROWE ONLINE
|
|
|
|
|
|
|
|
|
|
|
|
|
|
|
|
|
