Baaruuda oo laga digey xiliyada Ciida 17 Aug 17, 2012 - 7:22:46 AM
GAROWE ONLINE
Dhakhaatiirta Puntland ayaa ka digtey dhibaatooyinka ay leedahay Baaruuda caruurtu isticmaasho xiliga Ciidaha ,waxana uu ka digey inay saameyn ku yeelaneyso aragooda.
Dr.Casiis oo kamida dhakhaatiirta ka hawlagasha Puntland guud ahaan haatana ku sugan Garowe lana hadlay Idaacada Radio Garowe ayaa ka waramey dhibaatada ay keeni karto Baaruuda ay isticmaalaan Caruurtu xiliyada farxada Ciida.
‘’Baaruuda iyo rashka caruurta ciida loo gado dhibaato ay leeyihiiin oo ay kamid tahay indhaha inay ka gasho’’ ayuu yiri Dr.Cabdicaiis.
Waxan uu sheegey Dr.Cabdicasiis oo kamida dhakhaatiirta ugu caansan Indhaha in maalmihii la soo dhaafey loo keeney caruur badana oo indhaha iska dhuftey qalabyada kala duwan ee lagu ciyaaro ciida sida Bastoolada iyo waxa soo raaca.
Bulshada ayuu ugu baaqey cod dheer in laga ilaaliyo ilmaha yar yar oo uu sheegey inay tahay waajib saaran waalidka inay caruurta ka ilaaliyaan dhib waxii u keenaya.
Halkan ka dhageyso Axmed Cawil oo wareysanaya Dr.Cabdicasiis
