Gudoomiyihii hore ee gobolka Mudug Cabdirashiid Cali Xaashi ‘’Dhuubane’’ ayaa fariin u direy siyaasiyiinta damac kaga jiro hogaanka Puntland oo uu sheegey in dalku u baahneyn haatan in laga dhex bilaabo fowdo iyo khalkhalgelin amaan.

‘’Shacabka waxan rabaa inaan u sheego ninkasta oo hada dibadda iska soo xanbabooriya oo maxastiisu joogin dalka waxa uu doonayaa waa  dan u gaar ah’’ ayuu yiri isagoona ka digey Dhuubane Mucaaradka dumiska wada.

Waxa uu soo jeediyey in xukuumadda talada haysa haatan ee Dr.Farole la sugo intay ka dhamaystireyso Geedi socodka DImoqraadiyada Puntland isagoona dhinaca kale ugu baaqey mucaaradka inay furtaan ururo iyo axsaab siyaasadeed hadii ay isbidayaan Kalsoonida dadweynaha.

Gudoomiyihii hore ee gobolka Mudug waxa uu sidoo kale ka hadlay arinta maamul u samaynta Jubooyinka iyo in DF Somalia aysan dhab ka ahayn maamul ka hirgala deegaandaasi balse ku booriyey dadka deegaanka inay ka tashtaan aayahooda.

Halkan ka dhageyso Codka gudoomiyhii hore ee Gobolka Mudug