|
|
|
|
|
|
|
|
|
|
| Last Updated: Apr 3, 2012 - 2:47:55 AM |
|
|
|
 |
 |
|
|
|
M.Farole oo kulan xirey
31 Mar 31, 2011 - 11:27:08 AM
|
GAROWEONLINE
Waxaa soo gabo gaboobey shir saddex maalmood uga soconayey magalada Garowe Haween Soomaaliyeed oo ay marti galisey Dowlada Puntland Iyadoo uu kulanka haweenku dabo socdey shir weyne haweenkan Garowe ku yeesheen 25 Oct,2010.
Haweenka kulanka ka qeyb galayey ayaa iyagu ahaa wakiilo ka yimid wadamo ku yaal qaaradaha America,Yurub , Africa,Australia iyo Bartamaha, koonfurta Somalia & Puntland & Somaliland.
Gabagabadii shirkan waxaa laga soo saarey saddex qodob oo ka hadlaya colaada Somalia ka jirta 20 sano ka badan & sidoo kale qodobo xoojinaya urur haweenkan ay ku mideysan yihiin oo ku sameysteen shirkan midkii ka horeyey.
Caasho Geele Diiriye Wasiirka Haweenka Iyo Arrimaha Qoyska Dowlada Puntland oo iyadu gudoomineysay kulanku intii uu soconayey ayaa sheegtey in ay ku baaqayaan haweenka kulanka kasoo qeyb galey in laga qeyb-galiyo shirka QM ku qabaneyso Magalada Nairobi , ee ay ka qeyb galayaan dhinac-yada siyaasada Somalia.
Iyadoona intaa raacisey Marwo Caasho, in shirkasi haweenka Soomaaliyeed muhiim tahay in doorkoda laga siiyo , si ay kaalin uga cayaran xalka loo radinayo qaranimada Somalia & dib u heshiisiinta.
Khudbada uu shirka ka jeediyey Madaxweynaha Dowlada Puntland.
Madaxweynaha Dowlada Puntland Dr C/raxmaan Shiikh Maxamed Faroole oo shirka soo xirey ayaa marka horre khudbad uu jeediyey, Amaan & Bogaadin ku gaarsiiyey mas'uuliyiinta Wasaarada Haweenka Puntland & Xubnaha Haweenka ee kulanka lagu casumey ka qeyb galkiisa, sidoo kale xafiiska QM gaar ahaan UNDP Wakiilo ka socda oo shirka fadhiyey gaar ahaan wafti ka socda Dowlada Wadanka Norwey oo iyana kulanka goob joog u ahaa gabogabadiisa.
Md. Faroole ayaa hoosta ka xariiqey in go'aamadii shirka laga soo saarey ay yihiin kuwo dhaxal gal ah oo ay ku waano qaadan karraan ummada Somaliyeed.
Madaxweynaha ayaa haweenka kulanka kasoo qeyb galey ku booriyey in dadalkooda aysan intaa ku ekeysiinin , oo ay sii xoojiyaan , iyadoona uu sheegey in haweenkan ka buuxaan Aqoon-yahano daafaha dunida ka yimid wax badan ka bedeli karraan shacabka Soomaaliyeed.
Madaxweynaha Dowlada Puntland C/raxmaan Maxamed Maxamud waxa uu ugu danbeyntii ka hadley Puntland & doorkeeda ku aadan xal u helida mushkilada Somalia ka jirta , iyadoona uu sheegey in ay ku aasaasantey sidii ummada burburku ku yimid uga bad baadin laheyd oo ay mar walba Somali u taagan tahay .
Waxaana uu sheegey hadii aysan jiri laheyn maamulka Puntland xilligan in wax badan ummada Somaliyed ku dhibtoon laheyd deegaan iyo dhul ay leeyihiin oo ay ku kulmaan , taasi ay tahay dadaal ummada reer Puntland u galeen xasiloonida & Nabadda ka jirta dhulka Puntland.
Dhageyso Khudbada Madaxweynaha Dowlada Puntland Shirka Haweenka uu ka jeediyey.
|
|
|
|
|
|
|
|
|
|
|
|
|
|
|
|
|
