Madaxweynaha Puntland oo yimi Garowe 27 Jan 27, 2013 - 8:53:58 AM
GAROWE ONLINE
Madaxweynaha Dowladda Puntland Dr.Cabdiraxman Maxamed Maxamuud Farole ayaa caawa ''Isniin'' ku soo laabtay caasimada Puntland ee Garowe ka dib safaro kala duwan uu uga maqnaa 62 maalmood.
Madaxweyne ku xigeenka Gen.cabdisamad Cali Shire ,wasiiro ka tirsan dowladda ,xildhibaanada Barlamanka iyo haween ayaa ku soo dhoweeyey madaxweynaha duleedka Bari ee magaalada.
Aqalka Madaxtoyada Garowe ayaa loo soo galbiyey ,waxana wadada laamiga safnaa hareeraheeda dadweyne kala duwan oo dhankooda soo dhoweenayey madaxweynahaa.
Maalmaha soo socda ayaa lagu wadaa in magaalada Garowe lagu qabtey shirweynaha urur siyaasadeed Horseeed ee xisbiga talada haya iyadoona sidoo kale madaxweynuhu kulamo kala duwan la yeelan doonaa masuuliyiinta dowladda iyo qaybaha bulshada kala duwan.
