Dr.Gaas oo ku gacan seeray Shariif 15 Aug 15, 2012 - 10:34:54 AM
Raysal wasaaraha DF Somalia Dr.Cabdiweli Maxamed Cali Gaas ayaa ku gacan saerey hadal galabta 15 August ,2012 ka soo yeerey madaxweynaha DF Somalia Shariif Shiikh Axmed oo tilmaamey in xukuumaddu qaadan karin wax go’aan ah.
Wareegto ka soo baxdey caawa xafiiska Raysal wasaaraha Somalia ayaa lagu sheegey inay waxba kama jiraan yihiin degmooyin dhowaan madaxweynuhu uu magcaabey iyadoona la tiigsanayo qodobo kamida dastuurka.
Wareegtadan oo lanbarkeedu ahaa Ref:XRW/LT/00.435/08/2012 ayaa ku taariikheysan 15.08.2012 waxana la sheegey in la soo saarey kadib markii uu arkey Wasiirka Kowaad ee DF qodobadda 3aad Axdiga KMG ee Somalia farqadiisa 1aad iyo 2aad,iyo Qodobada 46aad,48aad ,52aad ,53aad, 44aad, iyo 81,83,85 ee dastuurkii Somalia 1960kii.
''Ayaa raysal wasaaraha DF Somalia isaga oo tixraacaya qodobadan kor ku xusan iyo go’aankii golaha wasiirada ee 13-kii Bishan waxa uu halkan ka cadeynayaa in wareegtooyinka ka soo baxay xafiiska madaxweynaha Somalia kuna saabsan magacaabista gobolo iyo degmooyin cusub,dalacsiin saraakiil Dawladeed, iyo wixii la mid ah ee aan soo marin habka sharcigu qeexayo in sharciga dowaldda ay ka hor imanayaan lana dhaqangalin karin sida ku cad qodobka 3aad ee Axdiga (Sareynta sharciga) farqadiisa 2aad oo qeexaysa ‘’Sharci kasta oo aan soo marin ama ka hor imanaya axdiga Dowladda wuxuu noqonayaa waxba kama jiraan'' sida digreetadu qeexdey.
