Maxkamada Bari oo xukuno ridey 11 Nov 11, 2012 - 2:31:11 AM
GAROWE ONLINE
Maxkamada darajada koowaad ee gobolka Bari ayaa maanta 11 November,2012 xukun xabsiyo ah ku riday eedaysanayaal la sheegay inay Khamri soo galiyeen,
Sidoo kale kale waxa maxkamadu xukuntey dhaliyaro iyana la sheegey inay xiliyada habeenkii Mobilada furan jireen magaalada Bossaso ,waxana xukunadu u dhaxeyeen Saddex sanno ilaa hal sanno iyo bar.
Dadka maanta la xakumey ayaa guu ahaan gaarayey ilaa 10 ruux ,waxana ka mid ahayd qof haweeney ah dadkaasi oo ay ku jireen oo khmariga lagu helay:
1-Maxamed Barre Xuseen
2-Cabdi Buraale Maxamuud
3-Cabdirashiid Maxamed Warsame
4-Cabdirashiid Muuse Faarax
Afartaas nin maxkamadu waxay ku xukuntay mid 1 sano iyo bar oo xabsi ah
iyo sidoo kale 500 $ oo ganaax ah ,waxaana gudoomiyaha maxkamadu uu sheegay haday bixin waayaan lacagtaasi in loogu badali doono xabsi
Dhanka kale maxamed canjeex oo isagu ka maqnaa maxkamada laguna sheegay inuu ahaa
shakhsigii khamrada ka masuulka ahaa ayaa maxkamdu ku xukuntay 3 sanno oo xarig ah iyo 1000$ oo ganaax ah ,isagoona la sheegay inuu xabsigu u bilaabanayo maalinta gacanta lagu soo dhigo.
La-dagaalanka Mukhaadaraadka ayaa kaalmaha hore kaga jira hawlgalada booliska Puntland iyo ilaalada baraha Kantaroolada ,waxana dhowaan Garowe lagu gubey khamri laga soo qabtey degmada Buurtinle ee gobolka Nugaal.
Halkan ka dhageyso Codka gudoomiyaha maxkamada Darajada koowaad
