Midowga Ethiopia oo la xusey Garowe 7 Dec 7, 2012 - 4:02:00 AM
GAROWE ONLINE
Xubno ka tirsan labada golle ee dowlada Puntland ayaa maanta 07 December,2012 ka qeybgalay xaflad ay soo qaban qaabiyeen madaxda safaarada Ethiopia ay ku leedahay magaalada Garowe taasi oo lagu xusayay sanad guuraddii todobaad ee ka soo wareegatay Midowgii qowmiyadaha kale duwan ee dalka Ethiopia.
Xarunta wasaaradda haweenka Puntland ee Garowe ayay ka dhacdey waxa ka soo qayb galey masuuliyiinta Ethiopia ee Puntland iyo xubno ka tirsan golaha xukuumadda Puntland oo uu kamid yahey wasiirka Shaqada iyo shaqaalaha Cabdiweli Xirsi Cabdule ,wasiirka Warfaafinta Eng>Maxamuud Caydiid Dirir iyo qaar ka mid ah jaaliyada Ethiopia ee ku nool deegaanada Puntland.
Qunsulka Ethiopia u fadhiya Puntland Mr-Asmalaash Wal-damiirat ayaa sheegay inuu ku faraxsan yahay sid wannaagsan oo ay madaxda dowlada Puntland uga soo qeybgalleen xafladan ay ku casuumeen,waxaana dhinaca uu sheegay in ay xoojin doonan xeriirka dhinaca wada shaqeynta ay Puntland la leeyihiin.
Wasiirka wasaarada warfaafinta Puntland Eng-Maxamuud Ceydiid ayaa dhankiisa u mahad celiyay safaarada Ethopia ee Puntland ay ku leedahay Garowe waxaana uu dhinaca kale ka codsaday in ay sii xoojiyaan xerrirka dhinaca wada shaqeynta ay la leeyihiin dowlada Puntland
Munaasibadda sanadguurada 7-aad ee qowmiyadaha Ethiopia ayaa noqoneysa markii labaad ee deegaanada Puntland laga xuso,waxaana munaasibada wayn ee maalintan lagu maamusayo maanta ka dhaceysey magaalada Addis Ababa ee xarunta dalka Ethopia.
