|
|
|
|
|
|
|
|
|
|
| Last Updated: Apr 3, 2012 - 2:47:55 AM |
|
|
|
 |
 |
|
|
|
Muqdisho: Ardey loo qaadey Turkiga
2 Feb 2, 2012 - 6:41:08 AM
|
Ugu yaraan 300 oo arday Soomaaliyeed ah oo deeq waxbarasho ka helay Turkiga ayaa maanta laga dhoofiyay Muqdisho, waxaana ay qayb ka yihiin 700 arday oo deeq waxbarasho ka helay xukuumadda Ankara.
Ardayda laga dhoofiyay Muqdisho ayaa waxay isugu jireen gabdho iyo wiilal kuwaas oo lasoo barayo Diinta Islaamka iyo Luuqadaha, iyadoo ardayda kale ee dhiman la dhoofin doono Maalinta Berri ah, sida uu safiirka Turkiga ee Somalia saxaafada ugu sheegay Muqdisho.
Wasiiro ka tirsan DF ayaa sheegay in deeqdan waxbarasho ay tahay midi ugu wanaagsanayd ee Ardayda Soomaaliyeed ay ka helaan dalka Turkiga, marka ay soo dhameystaan waxbarashadoodana ay dib ugu soo laaban doonaan Somalia.
 |
"Qaar ka mid ah ardayda waxaa lasoo barayaa Qur'aanka Kariimka iyo Maamulka Masaajidda sida imaamnimada, kuwo kalena waxaa lasoo barayaa luuqado kala duwan oo ay midda Turkigu ka mid tahay" ayuu yiri Mas'uul u hadlay DF.
Ardayda la dhoofinayay ayaa waxay sheegeen inay aad ugu faraxsan yihiin inay ka helaan waxbarasho dalka Turkiga, iyagoo uga mahadceliyay DF iyo Turkiga deeqda waxbarasho ee ay heleen, waxaana ardaydu ay u badnaayeen kuwo da'yar ah.
"Wadan walba wuxuu horumarkiisu le'eg yahay inta ay dadkii aqoontoodu le'eg tahay, waxaan rajeynaynaa in Ardaydan ay dalkooda kusoo laabtaan markii ay wax soo bartaan ayna aqoonta ay soo bartaan dabaqaan" ayuu yiri safiirka Turkiga ee Somalia.
Ma ahan markii ugu horeysay oo Arday deeq waxbarasho ka hela dalka Turkiga loo dhoofiyo halkaas, balse waxaa sanadkii hore la dhoofiyay ilaa 600 oo arday oo helay deeqo waxbarasho oo kala duwan.
Dhanka kale, diyaaradii qaaday ardayda waxbarashada helay oo ahayd Turkish Arilines ayaa waxay geysay Muqdisho qaar ka mid ah dadkii ku dhaawacmay qarax ka dhacay Muqdisho [Oct 04, 2011], kuwaasoo ay ku jireen dad curyaamay.
GAROWE ONLINE
|
|
|
|
|
|
|
|
|
|
|
|
|
|
|
|
|
