|
|
|
|
|
|
|
|
|
|
| Last Updated: Apr 3, 2012 - 2:47:55 AM |
|
|
|
 |
 |
|
|
|
Barlamanka DF oo laga hadlay
8 Feb 8, 2012 - 6:15:29 AM
|
Iyadoo muranka u dhexeeya Xildhibaanada Baarlamaanka Somalia uu cirka isku sii shareerayo ayaa waxaa maanta kulan ay khilaafkaas uga hadlayaan yeeshay Madaxweynaha Somalia Sh. Shariif Sh. Axmed iyo Wakiilka AU-da ee Arimaha Somalia, Jerry Reliwngs.
Kulanka oo ka dhacay Villa Somalia ayaa loo diiday inay saxaafadu goobjoog ka noqoto, wuxuuna socday muddo saacado ah, inkastoo markii uu dhamaaday uusan Sh. Shariif Warbaahinta ka siin faahfaahin Qodobadii kulankaas kasoo baxay.
Ergayga AU-da ee Somalia oo saxaafada si kooban ula hadlay ayaa sheegay inay isaga iyo Madaxweynaha Somalia kaga hadleen kulankooda khilaafka u dhexeeya xildhibaanada Baarlamaanka Somalia, isagoo sheegay in qorshihiisu yahay in xal laga gaaro.
"Dadaalkeygu waa inaan xaliyo khilaafka Baarlamaanka u dhexeeya, waxaana naga go'an in hadii la xalin waayo aan go'aan cad ka qaadano" ayuu yiri Reliwngs oo ku hadlayay Magaca Ururka Midowga Afrika.
Wakiilka ayaa Muqdisho tagay shalay oo Talaado ahayd, isagoo ilaa xalay waday kulamo gooni-gooni ah oo xal loogu raadinayo khilaafka u dhexeeya xildhibaanada Baarlamaanka Somalia.
Xildhibaanada Baarlamaanka Somalia ayaa waxaa u dhexeeya khilaaf xoogan oo ka dhashay xil ka qaadis lagu sameeyay Shariif Xasan, iyadoo Ururada Calamiga ah iyo dalalka Caalamku ay mucaaradeen go'aanka xilka looga qaaday Shariif Xasan.
Ra'iisul Wasaaraha Somalia Prof. C/weli Gaas ayaa sheegay inay soo dhaweynayaan dadaalada xalka loogu raadinayo Khilaafka Baarlamaanka, wuxuuna ku taliyay inay xildhibaanadu ka shaqeeyaan sidii khilaafka meesha looga saari lahaa.
Prof. C/weli wuxuu sheegay in ka xukuumad ahaan ay doonayaan in la helo baarlamaan ay la shaqeeyaan kaasoo howlaha xukuumada fududeeya, wuxuuna ku tilmaamay nasiibdaro muranka dabada-dheeraday ee u dhexeeya Baarlamaanka
GAROWE ONLINE
|
|
|
|
|
|
|
|
|
|
|
|
|
|
|
|
|
