|
|
|
|
|
|
|
|
|
|
| Last Updated: Apr 3, 2012 - 2:47:55 AM |
|
|
|
 |
 |
|
|
|
Nugaal & Karkaar oo gudbey
6 Feb 6, 2012 - 8:02:35 AM
|
Garoonka kubadda caga magaalada Garowe ee Mire Awaare ayaa waxa ka socda tartanka 6-aad ee gobollada Puntland,waxana maanta 6,Feb ,2012 kulamo aad u xiiso badani ku dhexmareen gobollada Karkaar & Bari iyo Nugaal & Haylan.
Karkaar iyo Bari ayaa ahayd ciyaartii horeysey islamarkaasina aadka loogu dhegtaagayey natiijadeeda maadaama labada kooxood kii badiyaa u gudbayo wareega xiga ee Semi-Finalka halka Karkaar bar-bardhaca u sii dheeryahay rajadooda.
Qaybtii hore ee kulanka ayaa waxa labada kooxood waxay soo bandhigeen ciyaar wanaag ,weearo la isweydaarsanayey iyo weliba farsamooyin u gaar ah kubadda cagta,waxana gobolka Karkaar keensatay gool bartamihii qaybta hore ee ciyaarta.
Kadib markii la isku soo laabtey taagerayaasha Barina sugayeen in kooxdoodu dhashato goolal u gudbiya wareega xiga,ayaa waxa arintaasi ka soo horjeestey difaaca Karkaar oo marnaba diidey in riyada Bari xaqiiqo noqoto.
Guusha waxay raacdey galabta Karkaar oo 6 dhibcood tagtay ,halka Bossaso iyo Bari ciyaartoydii ka socotey isku diyaaranayaan inay dib u laabtan iyagoona noqdey kooxdii ugu horeysey ee macsalaamaysa koobka gobollada Puntland.
Dhinaca kale gobolka Nugaal iyo Haylan ayaa isku arkey ciyaartii danbe galabta ,waxana horey u soo baxay gobolka Nugaal oo 6 dhibcood watey ,isagoona galabta macalinka Nugaal uu kaydka gashtey 7 ka mid ah ciyaartoydii joogtada u ahayd kooxdiisa badalkoodana keenay laacibiinta kaydka.
Durbadii daqiiqadii 2-aad ayaa Nugaal waxa laga dhaliyey gool aan waxbadan farxadiisu sii socon ,waxana Nugaali badalkiisa keensatay laba gool qyabtii hore ee ciyaarta.
Isku soo laabadkii danbe ee kulanka ayaa waxa weerarka Nugaali sii wadey dhalinta goolasha oo galabta sidii roobkii ugu hoobtey shabaga Haylan waxana natiijada ka dhigeen Nugaal 4-1 Haylan ka hor inta Haylan labaysan laguna gabagabeen natiijadaasi kulanka.
Gruop-ka koowaad ayaa waxa si rasmi ah ugu soo baxay gobollada Nugaal oo kow noqotey iyo Karkaar oo gashey labo,iyadoona dhinaca kale hareen gobollada Bari iyo Haylan.
Maalinka bari ah ayaa la filayaa in ay sidaasi oo kale dhacaan kulamada kama danbeyska ah ee Group-ka B oo balansanyihiin Mudug & Cayn iyo Sanaag & Sool,waxana banaanka joogta oo soo baxdey gobolka Mudug.
GAROWE ONLINE
|
|
|
|
|
|
|
|
|
|
|
|
|
|
|
|
|
