Nugaal: Qoys ku sumoobey Kiimiko 16 Aug 16, 2012 - 6:57:08 AM
GAROWE ONLINE
Tuulada Qalaan-qal oo ka tirsan gobolka Nugaal ayaa lagu soo waramayaa in qoys ka kooban shan ruux ay ku sumoobeen biyo ay ku shubteen mid ka mida jirkaamo horey loogu adeegsadey Kiimiko halkaasi oo ku geeryootey gabadh.
Wasaarada Caafimaadka Puntland ayaa dhakhaatiir u dirtey tuuladaasi ,waxana haatan lala tacaalayaa xaalada caafimaad ee afartii ruux ee kale oo ka tirsanaa qoyska sumoobey.
Agaasimaha guud ee wasaarada caafimaadka Puntland Dr.Cabdirisaaq Xirsi Xasan ayaa Radio Garowe uga waramay sida ay dhacdadani naxdinta leh qoyskan u haleeshey iyo waxyaabaha keeney.
Jirgaamada qoyskani biyaha u isticmaaleen ayuu xaqiijiyey Dr.Xirsi in horey waxyaabo Kiimiko ah loo adeegsadey kadibna suntu ay saameyn ku yeelatey dadkan.
Cabdirisaaq Xirsi Xasan agaasimaha guud ee Wasaarada Caafimaadka Puntland ayaa ugu danbeyntii tilmaamey in xaalada caafimaad ee afarta ruux oo nolosha lagu gaaray ay wanaagsantahay.
Halkan ka dhageyso Axmed Cawil oo wareystey agaasimaha caafimaadka
