Qabuuraha Galbeed ee magaalada Garowe ayaa galabta
16 February,2013 waxa lagu aasey Allaha u naxariistee Shiikh Cabdiqaadir
Nuur Faarax oo galabnimadii Jimcada lagu diley Garowe.
Kumanaan
dad ah uu horkacayo Madaxweynaha Puntland Dr.Cabdiraxman Maxamed Farole
,Ku xigeenka Gen.Cabdisamad Cali ,Gudoomiyaha Barlamanka ,wasiiro
,Xildhibaano ,Shuyuukh ka kala timid gobollada dalka ,Aqoonyahano
,Dhalinayro ayaa aaska ka qaybgalay.
Wafdi ka socdey DF Somalia uu horkacayey Wasiirka Arrimaha Gudaha
Cabdikariin Guuled ayna wehelinayeen wasiirka Maaliyada Qaranka iyo
xildhibaano ka tirsan gollaha shacabka ayaa dhankooda Salaada Jinaasada
ku tukaday.
Garoonka Olombikada Garowe oo ayaa dhowr kun oo qofi iskugu
yimaadeen Salaada oo uu tujiyey Shiikh Maxamuud Xaaji Yuusuf ,waxana ka
dib goobta laga soo jeediyey khubaddo isugu jirey
Taarikhdii Shiikha ,Canbaareynta cidii soo qorshaysey iyo weliba
dardaaran iyo nasteexeen loo soo jeeshay kuwa weli ku jira falalka
aragagixiso.
Shiikh Yuusuf Aadan oo 45 sanno ka badan ay saaxiibo dhow ahaayeen
Shiikh Cabdiqaadir ayaa goobta isaga oo murugeysan ka so jeedshey
taariikh nololeedkii Shiikha Alaha u naxariistee laga soo bilaabo xiligi
ay isbarteen Jaamacada Madiina ee dalka Sucuudiga 1964.
Wadaado ay ka mid yihiin Shiikh Bashiir Axmed Salaad gudoomiyaha
Hayada Culimada Soomaliyeed ,ku xigeenkiisa Shiikh Nuur Baaruud ,Shiikh
Daahir Aw-Cabdi Shiikh Axmed Cabdisamad iyo Shiikh Cabdinaasir ayaa si
weyn u dhaleecey kooxda Al-shabaab ee ka danbeysey dilka Shiikha ,waxana
ay sheegeen in boqolal Shiikha Cilmigiia bartey ay joogaan.
‘’Wadadii Khawaarijta ayay hayaan ,maxkamadihii bay ku dhex
milnaayeen waana in dhamaan la iska kaashadaa sidii la iskaga qaban
lahaa’’ Ayuu yiri Shiikh Nuur Baaruud.
Wasiirka Arimaha Gudaha
Somalia Cabdikariin Guuleed ayaa dhankiisa goobta ka soo jeediyey tacsi
uu ka waday madaxweynaha iyo Raysal wasaaraha DF Somalia oo ku aadan
dilka Marxuumka,isagoona raacshay in Puntland iska kaashadan doonaan
la-dagaalanka kooxda.
Ugu danbeyntii ayaa hadalka waxa soo xirey Madaxweynaha Puntland oo
ka tacsiyeeyey dhamaan cidii uu ka tagay Shiikhu geeridiisa naxdinta
lahayd kadib.
‘’Xidig dhacay ayay la mid tahay geerida Shiikha
,waxaan ku kalsoonahayse in xidig kale noo soo baxayo ,meeshii ku
haboonyed ayuu ku dhintey’’Ayuu yiri Madaxweynuhu oo raacshay
hadalkiisa‘’Axmed Godane oo xukun doon ayaa diley Shiikh Cabdiqaadir ‘’.
Waxa uu soo jeedshay Madaxweynuhu dhalinyarada ku jirta falalka
Al-shabaab weli inay ka soo baxaan oo ka soo laabtaan waxay wadaan
islamarkaasina dib Bulshada ugu soo noqdaan.
Halkan ka dhageyso Dhamaan Codadkii laga jeedshay Aaska Shiikha
