|
|
|
|
|
|
|
|
|
|
| Last Updated: Apr 3, 2012 - 2:47:55 AM |
|
|
|
 |
 |
|
|
|
Shongole oo ka hadley Fagaare
3 May 3, 2010 - 9:06:26 AM
|
Sh. Fu'ad Max'ed Khalaf [Shangole] oo ku dhaawacmay qaraxyo ka dhacay Masjid ku yaala Bakaaraha [May 01] ayaa kula hadlay agagaarka masjidkii ay qaraxyadu ka dhaceen taageerayaashiisa iyo arday kale oo dhageysan jiray Kitaab uu aqrin jiray.
Sarkaalkan oo dhinacyada dacwada iyo howlgelinta u qaabilsan Al-shabaab ayaa sheegay in dhaawac aad u fudud uu ka gaaray weerarka uu uuna ahaa mid lagu dili rabay, wuxuuna ku eedeeyay mas'uuliyadiisa Mareykanka.
"Dhaawac fudud ayaa iga soo gaaray qaraxyadii la doonayay in la igu dilo, waxaase ku dhintay tiro ka mid ah taageerayaasheyda, inta hartayna waxay diyaar u yihiin inay sii wadaan jihaadka" ayuu yiri Sh. Fu'ad Shangole.
Wuxuu sheegay in weerarkaas uu fashilmay ayna horay uga warheleen inay dhici doonaan weeraro la mid ah, isagoo sheegay in Mareykanka uu aad uga naxay inuu sii noolaado.
"Ma jeclayn inaan halkan ka hadlo maanta, waxaan jeclaa inaan ku shahiido qaraxii la doonayay in la igu dilo, waayo waxaan xusuustaa ilaaladayda qaarkood oo halkaas ku dhintay" ayuu yiri Sh. Fu'ad.
Ugu yaraan 45-qof ayaa ku dhintay qaraxyadaas oo muddo hal daqiiqo gudahood ah ka dhacay gudaha Masjidka, waxaana ku dhaawacmay in ka badan 100-qof oo qaar ka mid ah ay xaaladoodu halis tahay.
"Waxaa doonaynaa in dalkan lagu maamulo diinta Islaamka, kana tagayno taas inta aan ka dhimanayno" ayuu yiri Sh. Fu'ad Shangole, iyadoo aanay jirin koox weli sheegatay inay mas'uul ka tahay qaraxaas.
Sakaalkan ayaa ka badbaday todobaadkii hore qarax loo dhigay albaabka hore ee Masjidka Abu-Hureyra oo ugu weyn Bakaaraha, kaasoo ay ku dhinteen laba qof oo rayid ah, ayna ku dhaawacmeen 10-qof oo ay ku jireen xubno ka tirsan Al-shabaab.
GAROWE ONLINE
|
|
|
|
|
|
|
|
|
|
|
|
|
|
|
|
|
