|
|
|
|
| Last Updated: Jun 14, 2010 - 8:03:37 PM |
|
|
|
 |
 |
|
|
|
Somaliland oo qabatey burcad badeed
12 Oct 12, 2008 - 10:28:20 AM
|
Ciidamada Booliksa ee Somaliland ee magaalada Hargeysa ayaa 10 Octber, 2008 waxa gacanta ku dhigeen dad la sheegay in lagu tuhunsan yahay inay ka mid yihiin burcad baddeed reer Puntland ah, kuwaas oo la sheegay inay siteen lacag farabadan.
Dadkaan la qabtay oo ka koobnaa laba xubnood ayaa isla maalintaas xabsiga dhexe ee Hargeysa loo taxaabay iyadoo lagu eedeeyay in ay ka mid yihiin burcad baddeeda Puntland ee afduubka u gaysta maraakiibta marta gacanka cadmeed iyo badweynta Hindiya.
Ma jiraan wax warar ah oo ay xukuumaddu ka soo saartay qabashada dadkan lagu eedaynayo burcad baddeednimada.
Dhinaca kale ilo xogogaal ah ayaa sheegaya in labo xubnood oo kale ay Boliska ku daba jiraan kuwaasoo la sheegey in ay ku dhuumaaleysanayaan Hargeysa.
Ma aha markii ugu horeysay oo ay xukuumadda Somaliland sheegto inay qabteen kooxo ka tirsan burcad baddeeda Maraakiibta ka qabsata xeebaha Puntland iyaga oo lacag badan sita.
Waxa ay ahayd bartamihii sanadkan markii burcad badeed reer Puntland ah lagu qabtay magaalada Wajaale kuwaas oo muddo dhowr bilood ah ku jiray saldhiga dhexe ee Hargeysa ugu dambayntiina lagu sii daayay cafis Madaxweyne iyadoon Maxkamad la soo taagin.
Maxamed Jamaal, Garowe Online
Hargeysa
|
|
|
|
|
|
|
|
|
|
|
|
