GAROWE ONLINE
Iyadoo maalmihii la soo dhaafay ay magaalada Badhan ee
Caasumadda gobolka Sanaag ka socdeen is diiwaan gelinta urur
siyaasadeedyada Puntland ayaa waxaa maanta 07 February,2013 si toosa uga billoowday
halkaasi diwaan gelinta taageerayaasha Horseed.
Wakiilka urur siyaasadeedka talada haya ee Horseed
ahna Guddoomiyaha gobolka Sanaag Maxamed Ismaaciil Ciyoon ayaa Radio Garoowe u sheegay in Guddiga doorashooyinka Puntland oo
maalmahanba ku sugnaa Badhan ay ku hawlan yihiin sidii ay halkaasi ugu
dhici lahayd diiwaan gelinta taageerayaasha urur siyaasadeedyada.
Guddoomiye Ciyoon ayaa intaasi ku daray in urur weliba laga doonayo
330 taageere oo uu halkaasi ku yeesho si' taasi loo xaqiijiyana uu
guddigu ku hawlan yahay sameynta aqoonsiyada dadka taageerayaasha ah ee
urur walba uu ku naaloonaya,
"Shalay & doraad waxaa is diiwaan geliyay
taageerayaasha ururada kala ah Midnimo & Hor-cad,maantana waxaa is
diiwaan gelinaya Horseed & UDAD, iyadoo maalinta berrito ahna la
diiwaan gelin dono ururka Wadajir" Ayuu yiri Ciyoon.
Shanta urur siyaasadeed ee xafiisyada ka furtay
magaalada Badhan ayuu guddoomiyuhu sheegay inuu ugu cad ad yahay uguna
taageera badan yahay ururka muxaafidka ah ee Horseed, wuxuuna sheegay
iney halkaasi ku leeyihiin dhowr xafiis oo si habsami leh u shaqeeya.
Guddoomiye ciyoon ayaa ugu dambeyntii bulshada Puntland gaar ahaan
shacabka Sanaag kula dardaarmay iney adkeeyaan nabadgelyada iminka
dalka ka jirta isla markaana qaataan nidaamka axsaabta badan oo horumar u horseedaya Puntland.
Halkan ka dhagayso waraysiga uu guddoomiyhu la yeeshay Sooyaal
