Maalmaha talaalka caruurta 24 Apr 24, 2012 - 8:15:41 AM
GAROWE ONLINE
Toddobaadka wacyigelinta maalmaha Talaalka caruurta ayaa maanta 25,4,2012 ,munaasibad lagu daahfurayo waxaa lagu qabtay xarunta wasaaradda caafimaadka Puntland ee Garoowe,waxaana ka qayb-galay masuuliyiinta wasaaradda,haya'daha bahwadaagta ku yihiin arimaha caafimaadka ,Dhakaatiir,iyo marti kele oo lagu casumay.
Wacyigelinta Maalmaha caafimaadka caruurta ee da'doodu ka hoosayso shanta sanno iyo hooyada dhaqmaadka ah ayaa looga goleeyahay in dhamaan dadweynaha ku nool deeganada Puntland ay ciyaalkoda uga faa'iideeyaan talaalka si uu ka hortego xanuunada khatarta ah,
Wasiirka wasaaradda caafimaadka Dr.Cali Cabdullahi Warsame oo furay shirkan ayaa ku dheeraaday ka hadalka faa'dada uu talaalku xanbaarsanyahay,wuxuuna bulshada reer Puntland ku booriyey inay ka bogtaan furasadan qaaliga ah,wasiirka ayaa adeegan xusay inuu wada gaaro dhamaan deeganada Puntland oo dhan.
Wacyigelinta maalmaha caafimaadka caruurta ayaa sanadkiiba laba jeer laga sameeya deegaanada Puntland iyo guud ahaan Somalia,waxaana Puntland kaalinta koowad ka gashay Somalia marka la eego heerka uu gaaray qaadashada Talaalku,waxaana wasaarada Caafimaadka kala shaqeeya haya'adaha UNICEF & WHO.
Dhinaca kele Wasaaradda Caafimaadka Puntland ayaa maanta ka shirtay mashruuc adeegyada caafimaadka lagu gaarsiinayo dadka tabalaysan ma deganayaasha oo reer miyiguna ku jiro.
Halkan ka dhagayso wasiirka cafimaadka oo furay wacyigelelinta Talaalka
