Wariye lagu diley Muqdisho 18 Jan 18, 2013 - 3:00:01 AM
GAROWE ONLINE
Magaala Muqdisho ayaa maanta 18 January,2012 waxa lagu diley Alaha u naxariistee Wariye Cabdi Xareed Cismaan oo ka tirsanaa Idaacada Shabeele ee Muqdisho ka hawlgasha.
Wariyaha ayaa rag hubyesani ku rasaaseeyeen Suuqa Wadajir subaxnimadi hore saaka xili uu ku sii jeedey Shaqada Idaacada ,waxana ka dib loola cararey Cisbitalka Madina oo markii danbe ku naf baxay.
Agaasimaha Idaacada Shabeele oo wareysi siiyey Radio Garowe ayaa sheegey Alaha u naxariistee Wariye Cabdi Xareed inuu ifka uga tagay Xaas iyo labo Caruur ah oo midkood dhowaan uu dhashey.
Idaacada Shabelle ayaa noqotey tan ugu bartilmaameedka badan dilka Wariyaasha ,waxana sanadkan uu noqonayaa wariyihii ugu horeyey ee la dilo Somalia.
DF Somalia ayaa ilaa iyo hadda aan wax ka qaban dilalka soo noqnoqanaya ee loo geysanayo Wariyaasha ,waxana ilaa iyo hada jirin cid lala xiriirinayo inay bartilmaameedsato Wariyaasha Soomaliyeed.
Halkan ka dhageyso Siciid Axmed oo wareystey Agaasimaha Shabeele
