|
|
|
|
|
|
|
|
|
|
| Last Updated: Apr 3, 2012 - 2:47:55 AM |
|
|
|
 |
 |
|
|
|
Warsaxafadeed ku aadan Laasacaano
7 Feb 7, 2010 - 3:45:55 AM
|
Waxa ay Dowladda Puntland iyadoo ka xun Falaalkii arxan daraddaa ahaa ee ka dhacay Laascaanood (Feb 6, 2010) Canbaarayn iyo dhaliil dusha uga tuuraysaa Maamulka Riyaale, kadib kolkii Maleeshiyaadka u adeega Maamulkaas Xoog u adeegsadeen Shacabka Reer Laascaanood oo Banaanbax Nabadeed ku muujinayey dareenkooda ay ku diidanaayeen qafaalka lagula kacay dad aan waxba galabasan oo isugu jiray Arday, Macaliimiin, iyo Cullamaa’udiin.
Waxaa wax laga xumaado oo damiirka Insaanku uusan qaadan Karin ah, kana baxsan habdhaqanka xaquuqal Insaanka ee lagula kacay ardaydii iyo dadweynihii Mudahaaradka ka dhigayay magaalada Laascaano, taasoo keentay Dhimasho, Dhaawac iyo burburin hantiyeed, intaas waxaa raacay iyadoo Xabsiga loo taxaabay dad fara badan oo maati ah waxna galabsan.
Mana ahan markii ugu horaysay ee Maamulka Hargaysa gabood falyo noocaan oo kala ah , dhana ka ah Insaaniyada uu kula kaco degaanada uu xoogga ku haysto.
Maleeshiyaadka Maamulka Riyaale, waxay ku tunteen hab dhaqanka Islaamka, Somalinimo, Darisnimo iyo kan Caalamiga ahba. Haddaba waxan cambareynayna meel ka dhaca iyo gabood falka sida joogtada loogu gaystay xaquuqul Insaanka, iyadaa isla maleeshiyaadkaas ay kol hore Hol Hol meel ka dhac dhan ka ah hab dhaqan Soomaaliyeed gefna ku ah dhamaan Isimada Soomaaliyeed lagula kacay ismadeen iyagoo danahooda gaarka ah ka tasanaya.
Haddaba waxaan dhamaan hay’adaha u dooda xaquuqal Isaanka iyo Bulshada caalamka ugu baaqaynaa in si deg deg ah wax looga qabto gabood falkaas joogta ah . Maamulka Riyaale waxaan uga baaqaaynaa inay si degdeg ah xoriyadooda ugu soo celiyaan 60 dameeyo maata ah ee la qafaashay.
Puntland marna ma dhiirigalinayso, mana soo dhawaynayso nooc kasta oo argagaxiso ah, maamul kasta oo jiraana waxuu xaq u leeyahay inuu amaankiisa sugto iyadoo la jabinayayn sharuucda caalamiga ah.
Cabdulhakim Axmed Guuleed
Wasiirka Wasaaradda Warfaafinta, Isg., Hidaha iyo Dhaqan
|
|
|
|
|
|
|
|
|
|
|
|
|
|
|
|
|
