|
|
|
|
|
|
|
|
|
|
| Last Updated: Dec 15, 2011 - 11:05:44 AM |
|
|
|
 |
 |
|
|
|
"Waxaan ahey hogaamiye Qabiil"
29 Aug 29, 2008 - 8:18:42 AM
|
Xildhibaan Barre Aadan Shir [Hiiraale] oo dhawaan looga itaal
roonaaday dagaal ka dhacay Kismaayo, ayaa markii ugu horeysay ka
warbixiyay qaabka looga soo saaray Kismaayo iyo cida la dagaalantay.
Col. Hiiraale oo wareysi siiyay BBC-da ayaa wuxuu u dhacay sidan:
Ka dhageyso
Su'aal: Xildhibaan Kismaayo ma xoog baa lagaaga soo saaray, mise adigaa iskaa uga soo baxay?
Jawaab: Waa naloo tabar sheegtay, xoog baa nalooga soo saaray
Su'aal: Markii aad Kismaayo kasoo baxday kadib maxaa dhacay, xageed soo martay?
Jawaab: Waxaan soo maray wadada Kismaayo, Qooqaani, Bilis, Gariley, Baardheer
Su'aal: Maxaa khasaare ah oo ku gaaray oo aad noo sheegi kartaa xildhibaan?
Jawaab: Walaahi, meeshaan beelihii daganaa eeryadaas baa
jidgooyooyin badan noo dhigtay ilaa 7 ama 8 gaaraya, rag badan baana
waa iiga dhintay, qalab iyo gaadiid badana waa nooga qaateen, Magaalada
khasaarihii naloo geystay iyo kii gaaray dad kalena runtii ma heli
karno, mana aanan helin karin macluumaadka ku saabsan dadka wax dhintay
iyo wax dhaawacmay, laakiin waxaan kuu sheegi karaa xiligii aan kusoo
baxay jid-gooyooyinkaas beeluhu noo dhigteen la ii geystay khasaarihii
iga soo gaaray, 18-nin baa iiga dhimatay dhowr iyo labaatana waa nooga
dhaawacmeen, sadex gaari oo mid uu yahay kuwa dagaalkana waa nooga
qabsadeen
Su'aal: Xoogagii Kismaayo kaasoo saaray waa kuwee, waa ayo?
Jawaab: Xoogagaas waa beelo,
waa beesha la yiraahdo Kablalax, waxaana caawinayay oo dagaalka la galay Ururada Al-shabaab, Maxkamadaha iyo ciidan gaar ahaa oo ARS ay meesha ku diyaarsatay
Su'aal: Adigu maxaad isku sifeyn lahayd?
Jawaab: Anigu maxaan isku sifeyn lahaa, anigu waxaan ahay
xildhibaan DF ka tirsn Kismayaan joogay, wax dhibaato ah iyo wax
mushkilo ah oo aan anigu abuuray ma jirin, qabiilkii aan ka dhashay way
joogeen meesha, ilmahaygii way joogay, sadex xaas oo aan qabo baa
dagan, nin dadkiisii la joogay baan ahaa dagaalka magaalada lagu soo
qaaday baa dhinacayga iga qabsaday
Su'aal: Marka waxad leedahay aigu ma hogaaminayay
Malesiyaadkii Kismayo ku dagaalamay oo dagaalka dhinacayga buu iga
qabsaday qorshaha kuma jirin baad leedahay?
Jawaab: Anigu ma maamulay, beeshu iyadaa is mamulaysay oo
meesha daganayd, anigu safar baan ku tagay xildhibaan baa ahay, laakiin
dadka la ugaarsanayay oo la raadsanayay beeshana ka mid ah baan ahaa
Su'aal: Warar ka imaanaya Kismayo waxa la sheegay in meesha
Al-shabab iyo Maxkamadaha oo wada jira ay qabsadeen sida hadalka aad u
dhigaysana uusan ahayn?
Jawaab: Adeer cidii saxaysa iyadaa og, laakiin aniga hadaad
wax iga weydiisay wixii jiray baan kuu shegay, waxa weye; anigu
waxan ku iri: Ururka Al-shabab iyo Ururka Maxkamdaha iyo beelahaas oo
iskaashaday baa meesha nagula dagaalamay iyagaana gacanta ku haya
Su'aal: Barre, marka Kismayo arinteeda laga hadlo oo dagaal
la soo qaado, waxaa la isweydiin karaa Barre waa markii labaad oo
dagaal Kismaayo uga baxo, waxaa kaloo la is weydiin karaa maxaa Barre
Kismaayo kaga duugay oo aad uga samri la'adahay?
Jawaab: Su'aashaan Jawaabteedu waxa weeye waxaa iiga duugan,
Sadex xaas baa leeyahay, waalidna waa leehayay kuligoodna Kismaayay
wada joogaan, mid ku duugan iyo mid ka shaqeeya iyo mid ku nool intaba
way isugu jiraan, marka cidii xoog iiga soo saarta oo ilamahaygii
haysata oo gurigeygii iyo xoolahayga bililiqeysanaysa anigu dayuus ma
ihi oo iska agtagi maayeen intaan xeladeysto baan soo dagaalami haddii
Alle yiraahdo, marka mar ha noqoto, laba ha noqoto sadex ha noqoto,
afar ha noqoto, ilaa aan ku wafaado
[dhinto] waa ku dagaalamayaa waa xaqeygii
Su'aal: Marka waxaad leedahay nin deegaanka u dhashay baan ahay oo lagu soo gardarooday lana weeraray?
Jawaab: Horta waxa weeye, Somalidu waxay tiraahdaa
[Howraarta nina si kuu yiri nina si kuu qaaday] aad ku dhalatay iyo
umaadan dhalan midna maaah, Somalidu muwaadiniin weeye dalka ma kala
leh, dadka meesha dagan oo ku nool baan anigu ka mid ahay
Su'aal: Marka qorshahaagu muxuu yahay ma weerar baad ku
qaadaysaa Kismaayo ood ugu noqonaysaa reeraha iyo caruurta meesha kaa
yaala oo aad sheegtay inay Kismaayo dagan yihiin?
Jawaab: Anigu caruurteyda, dadkeyga iyo familigeyga, qof
anigu goob u siin maayo waajib muqadas ah baa iga saaran inaan difaaco,
Insha alaahu waan ku soo noqonaynaa hadii Alle yiraahdo, waana tagi
doonaa meelaha ubadkanaga iyo caa'iladeenu joogto
Su'aal: Goormaa laga yaabaa inaad weerar dib ugu celis?
Jawaab: Anigu weerar baan ku celinayaa kuma dhihine, weerarku markiisuu iska imaanayaan hadii Alle idmo
Su'aal: Qolada meesha haysata ama Maxaakiin ha ahaadaan ama
qolo kale ha ahaadaane, waxay mar walba sheegaan in Kismaayo uu dulmi
ka jiray, Isbaaro ka jirtay oo la is dhacayay oo aysan nabad galyo
jirin oo ay doonayeen inay dulmigaas meesha ka saaraan?
Jawaab: Dadku siday wax u sheegayaan iyo siday wax u
doonayaan isku mid ma ahan, waa runtaa isbaaro wax xun weeye oo
dhaqanka ku xun, diinta ku xun cid kasta oo la diriraysana waan soo
dhaweynayaa, waana la diriri jirtay, laakiin nimanka warkaas sheegaya
warka ay sheegayaan iyo sida ay u dhigayaan ma ahan; waxaad ku garan
kartaa oo adiguba aad Balance ugu sameyn kadhaa, wiil meel jooga ama
laba meel joogta isbaarada laga qaado oo laga suuliyo ma waxaa loo
marayaa in beelo dhan iyo dad dhan oo dagan oo muslimiin ah oo dagan oo
xaasas leh oo waayeel leh oo nooc walba in lagu xadgudbo, la laayo, la
dhaco, la barakiciyo, sharafta laga qaado, ma taasaa noqonaysa
Isbaaraan la dagaalamaynay oo aan meesha u nimid
Su'aal: Xildhibaan Barre Aadan Shire waxaa tahay xildhibaan
ka tirsan Baarlamaanka Somalia, oo dowlada federaalka waxaad kasoo
qabtay jagada wasiirka gaashaandhiga intii dowladii hore ay ka dhacdana
waxaad ahayd hogaamiye kooxeed oo xabad baad sidatay, goormaa laga
yaabaa Barre in inta aad xabada dhinac iska dhigto oo aad garato xilka
xildhibaanimo oo aad la qabsato nidaamka iyo haykalka dowladnimo ee ka
jira Baydhabo iyo meelo kale oo dalka ka tirsan?
Jawaab: Baydhabo haku soo gabagabeyne; waa runtaa waxaan
ahay waxaan ahay hogaamiye, hogaamiye qabiil baan ahay, xilka
hogaamiyenimada qabiilka cid igala wareegta xiligaan helo baan
warejinayaa una gudbayaa nidamka dowladnimo ee aad sheegaysid, hadaan
la helin; hogaankaad aad sheegaso een ku dagalamayay dagaalada
dadkeygaa lagu soo qaadayay, waligey meel aan doonayo ma aanan aadin
umana socono; laakiin qabiil ahaan, deegaan ahaan dad ahaan iyo deegaan
ahaan baana isku difaacnaa.
Xuquuqda qoraalka wareysiga: Garowe Online
|
|
|
|
|
|
|
|
|
|
|
|
|
|
|
|
|
