Xil wareejin ka dhacdey Galkacayo 10 Feb 10, 2013 - 7:50:55 AM
GAROWE ONLINE
Xaflad
ay xilalka kula kala wareegayeen Duqii hore ee degmada Gaalkacyo iyo
kan dhawaan loosoo magacaabay,ayaa maantey 10 February,2013 lagu qabtay hoolka shirarka
mamulka gobalka Mudug,waxana munaasibadaasi kasoo qayb galay xubno ka
socday xukumadda,xildhibaano,mamulka gobalka iyo shaqalaha dowlada hoose
ee Gaalkacyo.
Bilowgii kulankaasi waxaa ka hadlay Duqii hore ee degmada
Gaalkacyo Col,Siciid Cabdi Faarax,wuxuna xusay inuu ku farax san yahay
xilka qaadista uu Dr.Faroole ku sameeyay,wuxuna sidoo kale ka sheekeeyay
waxyaabihii u qabsoomay tan iyo waqtigii uu xafiiska Gaalkacyo joogay.
Arimaha uu xusay Col.Siciid Cabdk Faarax ee uu wax ka qabtay
ayaa waxaa ka mid ah hagaajinta wadooyin ku yaala Gaalkacyo,banaynta
wadooyin kale oo ay dageen shacabka magalada,wuxuna sidoo kale balan
qaaday inuu si wanaagsan oo aan gabasho lahayn ula shaqayn doono mamulka
cusub ee gaalkacyo loosoo magacaabay.
Dhinaca kale waxaa kalmado hadal ah goobta kasoo jeediyay duqa
cusub ee Gaalkacyo oo horayna Gudoomiyaha gobalka Mudug usoo noqday
Col.Axmad Cali Salaad,wuxuna sheegay inuu ku farax san yahay qaabka
wanaagsan ee uu xilka ugu wareejiyay duqii hore Col-Siciid ,wuxuna sidoo
kale sheegay inuu wax badan ka qaban doono arimaha
nabadgalyadda,horumarinta degmada iyo waliba hagaajinta wadooyinka
magaladda.
Masuuliyiintii munaasibadaasi ka hadlay ayaa mamulka cusub kula
dardaarmay inuu wax badan ka qabto xaalada Gaalkacyo,waxana ka mid ah
masuuliyiinta dardaarka soo jeediyay wasiir ku xigeenka arimaha gudaha
Puntland ,wuxuna sheegay Col.Axmad Cali Salaad in looga baahan yahay
baahinta mamul wanaaga iyo waliba ka shaqaynta horumarka degmada
Gaalkacyo.
Sidoo kale wasiir ku xigeenka arimaha gudaha ayaa sheegay inay
muhiim tahay in la helo gollahii deegaanka Degmada gaalkacyo oo
shaqaynaya,wuxuna sidoo kale tilmamay mamulka cusub ee Gaalkacyo ka
wasaarad ahaan inay ula shaqayn doonan si wanaagsan.
Ugu danbayntii munaasibadda xil wareejinta mamulka Gaalkacyo
ayaa si wanaagsan kusoo dhamaaday,waxaana dardaarka ka sakow goobta laga
soo jeediyay khudbado u badan sidii looga wada shaqayn lahaa horumarka
Gobalka mudug.
Halkan ka dhageyso Codka Duqii hore ee degmada Galkacayo
