Wasiirada arimaha dibada Kenya oo u tartameysa madaxa ururka midowga Africa

Image

NAIROBI, Kenya- Madaxweynaha dalka Kenya Uhuru Kenyatta oo booqasho ku tagey dalka Namibia ayaa la kulmay dhigiisa Hage Geingob isagoo labalaabey dadaalka uu ugu jiro in dalkiisa ku guuleysto doorashada madaxa ururka midowga Africa.

Doorashada oo la filayo iney maanta dhacdo ayaa waxaa musharxiinta ugu cad cad wasiirada arimaha dibada dalka Kenya Amino Cabdulahi.

Tan iyo intii lagu dhawaaqey musharaxnimada Amino Cabdulahi ayaa Madaxweynaha dalka Kenya waxaa uu wafdiyo u kala direy 53 wadan.

Wadanka Namibia oo ka tirsanwadamada la isku yirahdo SADC ayaa waxay taagerayaan musharax  Pelonomi Venson-Moitoi.

Amino Cabdulahi ayaa sidoo kale la tartameysa musharaxiin ka kala yimid wadamada Equitorial Guinea, Chad iyo Senegal.

Wasiirada arimaha dibada dalka Kenya ayaa sidoo kale kulmisay maalmihii lasoo dhaafey 12 wadan oo la tirsan Barriga Africa kuwasoo u muujiyey iney tageerayaan musharaxnimadeeda.

" Wasiirada arimaha dibada wadamada Barriga Africa waxay isla garteen iney tageeraan musharaxooda islamarkaana wadahadal la galaan wadamada kale ee Africa" sidaas waxaa yiri wasiirada arimaha dibada Kenya.

Dhinaca kale waxaa doorashadaan saameyn balaaran ku leh wadamada Koonfur Africa, Naigeria, Ethiopia iyo Masar  kuwasoo ciidamo ahaan iyo dhaqaale ahaan awood badan leh.

GAROWEONLINE + Wakaaladaha 

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM