Abaarta ka jirta Puntland oo sii adkaanaysa [Daawo]

Image
Image
Image
Image
Image
Image
Image
Image
Image
Image
Image
Image
Image
Image
Image
Image

GAROWE, Puntland- Xaaladda abaareed ee ka jirta deegaanada Puntland, ayaa iminka maraysa meeshii ugu sarraysay kadib markii la waayay roobadkii la filayay saddexdii sano ee ugu dambaysay.

Duunyada ayaa u bakhtiyaysa si tarab-tarab ah, waxaana sidoo kale meelaha qaar geeriyooday dad carruur u badan.

Qaar kamid ah dadka reer guuraaga ah, ayaa sheegaya in waqtigan ay wajaheen xaalad aysan arag cid uga sheekaysana aysan jirin.

Hay’adda Samafalka Somaliyeed ee Waqooyiga America taasoo fadhigeedu yahay Canada { Somalia Releif Network of North America}, ayaa dhawaan booqasho ku tagtay qaar kamid ah miyiga gobolka nogaal iyadoo qiimayn ku samaynaysa xaaladda lagu jiro.

Guddoomiyaha hay’addaas, Sheekh Aadan Maxamed Ciise(Gaadaale), ayaa cadeeyay in dadku ku suganyihiin xaalad adag oo u baahan in gurmad laxaad leh laga sameeyo, wuxuun shaaciyay inay hay’addiisu ay barnamijyo samafal ah ka fulisay Puntland mudadii ay joogtay.

Gaadaale, ayaa xusay in safarkooda miyiga uu isugy jiray, Qiimayn, dhaqaale uruurin iyo codsi ay ugu dirayaan dadka islaamka ah ee dunida ku sugan gaar ahaan Somalia.

Wuxuu tilmaamay in dhawaan culimadada Masaajidda kala hadleen shacabka islamarkaana lagu deeqay  in ku dhow labo boqol oo booyadood.

Dhinaca kale, Samafale Maxamed Yuusuf Jaamac Tigay, oo muddo 62 maalmood ah safar iyo kaalmo ugu jiray dadka abaaruhu saameeyeen ee ku sugan gobollada Bari, Karkaar iyo Nugaal, ayaa sheegay in dhibaatada reer miyiga haysatada aan laga sheekayn karin.

Gurmadyo kala duwan ayaa kasocda gudaha Somalia, balse waxay sheegeen inay yaryihiin doorkii qurba joogta iyagoo ugu baaqay inay dadkaas wax lala soo gaaro oo la caawiyo qoysaska tabaalaysan.

GAROWEONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM