​Jangali oo kusoo baxay kursiga Aqalka hoose

Image

GAROWE, Puntland- Wasiirka duulista hawada xukuumadda Federaalka Somalia ee waqtigeedu dhammaaday Cali Axmed Jaamac Jengali, ayaa ku guulaystay xubinta beeshiisa u matalaysa Barlamanka dowladda Somalia, kadib loollan adag oo la kulmay, murashaxiinta kala ah; Jaamac Xasan Khaliif, Cabdifataax Xaaji Camay iyo Cabdi Jaamac.

Xubin kamid ah Gudiga doorashooyinka heer Federaal, Siciid Jaamac Qorsheel, ayaa ku dhawaaqay natiijada doorasho aqalka hoose ee ka dhacday caasumadda Puntland, wuxuuna sheegeen in Jangali uu kursigaas kusoo baxay kadib markii uu helay 30 cod, inkastoo dhowr wareeg uu galay.

Ninka kula tartamay wareegii labaad ee Jaamac Xasan Khaliif, uu helay 21 cod.

Jangali, ayaa madasha ka sheegay inuu wax ka qaban doono xaaladda Somalia iyo dadka soo doortay baahidooda.

Kursigan ayaa aad loogu loollamay, wuxuuna baaqday maalintii shalay, iyadoo la sheegay inuu farogalin ku sameeyay Madaxweyne ku-xigeenka Puntland maadama uu tartamayay Cabdifataax Xaaji Camay oo qaraabo dhowyihiin.

Xukuumadda Puntland, ayaa farogalin toos ah ku haysa doorashada xubnaha Aqalka hoose u tartamaysa.

19 mudane ayaa ka haray qoondada Puntland ka heshay Aqalka hoose ee Barlamanka Federaalka Somalia, kuwaasoo gaaraya 37 mudane.

GAROWEONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM