​Puntland oo qoondaysay kuraasta laga siiyay Aqalka Sare

Image

MUQDISHU, Somalia-  War-murtiyeed kasoo shirka madasha wadatashiga Qaran ee Somalia, ayaa lagu siyaadiyay xubnihii Aqalka Sare ee Balamanka Federaalka Somalia, waxaana loo qaybiyay maamullada dalka gaar iyadoo la siiyay qoondo siman oo ah min Saddex Kursi.

Maamulka Puntland, ayaa durba qoondeeyay saddexdaasi kursi, waxaana madaxweyne Cabdiweli Maxamed Cali Gaas ayaa cadeeyay cidda la siinayo kuraasta saddex ah.

War-saxaafadeed kasoo baxay madaxtooyada Puntland oo warbaahinta u akhriyay Afhayeenka xukuumadda Cabdullaahi Maxamed Jaamac Quraan Jecel, ayaa lagu sheegay in la siiyay saddexaas xubnood beelaha Warsangali, Dhulbahante, iyo beel Shanaad oo la sheegay inay dagantahay Puntland

"Madaxweynaha Dawladda Puntland Dr. Cabdiweli Maxamed Cali Gaas ayaa markuu la tashaday masuuliyiinta Dawladda Puntland wax garadka iyo aqoonyahanka Puntland waxa uu saddexdaasi kursi ee loogu daray Puntland u qoondeeyey in labo ka mida lasiiyo beelaha harti gaar ahaan beelaha Dhulbahante iyo Warsangeli, sidoo kalena kursiga sadexaad ayaa waxa uu madaxweynuhu u qoon deeyey beesha shanaad ee deggan  Puntland,"Sidaas ayaa lagu yiri war-saxaafadeedka dowladda kasoo baxay.

Puntland, ayaa horay aqalka sare uga heshay 11 kursi, waxaana hadda ay helaysaa 14 kursi sidaas si lamid ah waxaa heshay maamulka Somaliland.

GAROWEONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM