Puntland: Sarkaal lagu dilay magaalada Galkacyo

Image

GALKACYO, Puntland- Kooxo hubaysan ayaa xalay ku dilay magaalada Galkacyo xarunta gobolka Mudug sarkaal sare oo katirsanaa ciidamada Puntland islamarkaana kamid ahaa ilaalada khaaska ah ee Madaxweyne Gaas.

Marxuumka dhintay ayaa lagu magacaabi jiray Axmed Xasan Cabdiraxmaan (Gaandi), waxaana la weeraray waqti uu ku sugnaa gudaha magaalada.

Kooxo ku hubaysnaa Bastoolado ayaa dilka marxuumka ugu gaystay Galkacyo, kuwaas dhowr xabadood ku dhuftay kahor intuusan ku geeriyoon goobta.

Dablayda ayaa goobta isaga baxsatay, waxaana goordambe gaaray aagaas ciidamada ammaanka oo sameeyay baaritaano kala duwan.

Majirto cid sheegatay mas’uuliyadda falka lagu dilay sarkaalkaas katirsanaa Madaxtooyada magaalada Galkacyo.

Ilaa hadda ma jirto wax war ah oo kasoo baxay dowladda iyo maamulka gobolka Mudug.

Xaaladda magaalada Galkacyo ayaa hagaagsanayd muddooyinkii dambe, waxaase horay u jiray weeraro lagu dilay shacab iyo mas’uuliyiin oo ka dhacay sannadkii hore Waqooyiga Galkacyo.

GAROWEONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM