​Qoysas reer guuraa ah oo shil gaari ku galay nawaaxiga Dangoroyo [Dhagayso]

Image

GAROWE, Puntland- Qoysas reer guuraa ah oo u hayaansanaa gobolka Bari oo roobab ka da'een todobaadkii hore, ayaa shil saaka ku galay deegaanka Ceel-buh oo qiyaastii 50KM dhinaca Bariga ka xigta degmada Dangoroyo ee gobolka Nugaal.

Xoghayaha degmadaas Cabdulqaadir Abshir Muuse Sanco oo la hadlay Radio Garowe, ayaa sheegay in shilkaas ku dhaacmeen 12 ruux islamarkaana ay ku baaba'een xoolo tiro badan.

Sanco, ayaa sheegay in shilku yimid xilli baabuurku uu ku socday xawaare sare.

Wuxuu sheegay in dadkii dhawaca ahaa oo isugu jira haween, carruur iyo dad waayeel ah dhaawacooda loo soo gudbiyay magaalada Garowe, halkaasoo xaaladooda lagu dabiibayo.

Xoghayaha, ayaa sidoo kale xusay in wixii shilkaas ka bad-baaday ay saareen gawaari kale si ay usii wadaan socdaalkooda islamarkaana u tagaan goobihii ay hayaanka u ahaayeen.

Mas'uulkan, ayaa tilmaamay in gaarigan ay saarnaayeen ilaa dhow qoys oo ka barakacay abaaraha ka jira degmadaas isagoo sheegay in muddooyinkii dambe ay arkayeen reer guuraa hayaan u ah gobolka Bari oo roobab lagu sheeegay.

Shilkan, ayaa yimid xilli abaaraha ka jira gobolka Nugaal halis galiyeen nolosha dadka halka xoolihii ay dhammaad ku dhowyihiin.

GAROWEONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM