Dab ka kacay Suuqa Bakaaraha oo sii fidaya
MUQDISHU, Somalia- Dab kacay Salaaddii Subax ayaa wali kasocda magaalada Muqdishu caasumadda Somalia, kaasoo hadda kusii fidaya qaybo kamid ah xarumaha ganacsi oo ku yaalla halka loo yaqaano Khaliifa.
Lama yaqaano waxa kiciyay dabkaas, balse waxaa lagusoo waramayaa inuu gaystay khasaaro hantiyeed oo xoog leh.
Sida ay noo xaqiijiyeen dad goob joogayaal ah, dabkan ayaa gabi ahaanba bur-buriyay hanti dad ganacsato ah kulahaayeen Bakaaraha.
Waxaa socda dadaallo lagu bakhtiinayo oogta Dabka oo guud ahaanba laga arkayo qaybo kamid ah magaalada Muqdishu caasumadda Somalia.
Waxaa halkaas tagay baabuurta gurmadka deg dega ah ee dab-damiska kuwaasoo tuubooyin waaweyn oo biyaysan u isticmaalaya colaha wali sii fidaya.
Shacabka laftigiisa ayaa wada dadaal lagu bad-baadinayo hantida suuqaas ku jirta, waxayna qayb kayihiin gurmadka lagu daminayo dadbkaas.
Wuxuu kusoo beegmay xilli saaka waabarigii hore ganacsatadu doonayeen inay goobahooda dib u furaan.
Maaha markii ugu horaysay dab noocaan ah uu ka kaco magaalada Muqdishu caasumadda Somalia, waxaana inta badan keena meherado lagu kariyo cuntada oo ku dhex-yaalla suuqa, kuwaasoo inta badan sabab u ah khasaaraha iyo dabka.
GAROWEONLINE