Horjooge katirsanaa Al Shabaab oo dowladda Somalia isu-soo dhiibay

Image

GARBAHAREY, Somalia- Horjooge sare oo katirsan Kooxda Al shabaab oo lagu magacaabo Maxa'ed Cabdullaahi Xaaji (Cirro) ayaa isku dhiibay maamulka degmada Garbahaarey ee dowladda federaalka Somalia.

Cirro, ayaa lagu soo waramayaa inuu ahaa madaxa Canshuuraha Al Shabaab ee Tuulo-Barwaaqo, oo ku dhaw magaalada Garbaharey, ee xarunta gobolka Gedo.

Wararka Warsidaha Garowe Online helayo ayaa sheegaya in Maxa'ed Cabdullaahi Xaaji, uu kala soo goostay Kooxda Al Shabaab lacag aad u badan, maadaama uu ahaa ninka u qaabilsan Maaliyadda iyo Canshuuraha.

Xogtu, waxay intaas ku daraysaa in ninkan dhowr jeer oo hore qorshaynayay sidii uu kooxda ugasoo bixi lahaa, sida uu u sheegay saraakiisha Amniga.

Saraakiisha maamulka Garbahaarey iyo shacab badan ayaa si aad ah usoo dhaweeyay xalay Maxa'ed Cabdullaahi Xaaji (Cirro), sida ay sheegayaan wararka aan helayno Illo-wareedyo ku sugan Garbahaarey.

Wali Kooxda Al shabaab kama aysan hadlin wararka ku saabsan Goosashada Madaxii Canshuuraha Tuulo-Barwaaqo.

GAROWEONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM