​Madaxweyne Farmaajo oo gaarey Jeddah [Sawirro]

Image
Image
Image
Image
Image
Image
Image

JEDDAH, Sacuudiga - Madaxweynaha Somaaliya, Maxamed Cabdullaahi Farmaajo, iyo wafdigiisa ayaa gaarey galabta magaalada Jeddah, ee dalka Sacuudiga.

Wafdi Madaxweynaha waxaa Garoonka Diyaaradaha kusoo dhaweeyay, Safiirka Sacuudiga u fadhiya Somaaliya, Maxamed Bin Cabdul Fani Qiyaad iyo Mas'uuliyiin kale oo Boqortooyada dalkaasi katirsan.

Booqashada Madaxweyne Farmaajo oo qaadan doonto Mudo labo maalmood, ayaa lagu wadaa inuu Kulamo la qaato Boqor Salman Bin Cabdicasiis, iyo Wiilkiisa, ahna Dhaxal-sugaha iyo Wasiirka Gaashaandhigga dalkaasi, Maxamed Bin Salman.

Eng Cabdiraxmaan Cumar Cismaan Yariisow, Wasiirka Warfaafinta Xukuumadda Federaalka, ayaa sheegay in Safarka Madaxweynaha uu la xiriiro safaradii hore ee February iyo May ee uu ku tagey dalka Sacuudiga.

Arrimaha looga hadli doono Kulanka Farmaajo iyo Boqor Salman, waxaa kamid ah Dhaqaalaha, Amniga iyo Maalgashiga, sida lagu sheegay War Saxaafadeed kasoo baxay Madaxtooyadda Villa Somaaliya.

Diyaarad gaar ah oo Boqor Salman usoo diray, ayuu Madaxweyne Farmaajo ku tagey Jeddah.

Lama oga Ajandooyinka Kulanka Madaxweyne Farmaajo iyo Boqor Salman in uu kamid noqon doono Go'aanki dhex-dhexaadnimada ee dowladda Federaalka Somaaliya ka qaadatey Khilaafka Khaliijka.

Wasiirro uu kamid yahay Yuusuf Garaad Cumar, ayaa ku wehliya Madaxweynaha Safarkiisa Sacuudiga, kaasi oo imaanaya xilli Khilaaf Siyaasadeed xooggan uu ka dhex-taagan yahay dowladiisa iyo mamul goboleedyada, kaasi oo salka ku hayo Xiisadaha Khaliijka carabta.

Warsidaha Garowe Online ayaa 17-ka bishan September soo qoray in Madaxweynaha Somaaliya uu u safrayo dalka Sacuudiga, islamrkaana uu la kulmayo Boqor Salman.

GAROWEONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM