Qarax magalaada Muqdishu lagula beegsadey sarkaal ka tirsan Nabad sugida

Image

MUQDISHU, Somalia - Sarkaal katirsana Hay'adda Nabad Sugida iyo Sirdoonka dalka ee (NISA), ayaa ku dhaawacmay qarax maanta oo Arbaco ah ka dhacay magaalada Muqdishu ee caasumadda Somalia.

Sarkaalkan oo lagu magacaabo Cabdullaahi Nuur Samatar [Caano Boore], uu ku dhaawacmay qarax loogu xiray Gaarigiisa, kaasi oo ku qarxay meel ku dhaw Wasaaradda Dhalinyarada iyo Ciyaaraha.

Goobjoogiyaal ayaa u xaqiijiyay GO Caano Boore dhaawiciisa loola cararay Isbitaal ku yaalla magaalada, si loogu daweeyo. Al shabaab ayaa sheegtay mas'uuliyada qaraxa lagu dhaawacay Sarkaalka NISA.

Ciidamada dowladda Federaalka Somalia ayaa xiray goobta, kadibna sameeyay howlgall aan cidna lagu soo qaban. Ma jirto wax khasaaro ah oo dadka shacabka ee goobta ka agdhawaa kasoo gaarey qaraxa.

Qaraxan ayaa kusoo beegmaya, xilli dhawaan ay Dowladda joojisay Howgalkii Xailinta Caasumadda, kaasi oo wax badan ka bedelay amniga, kana hortagay weeraradii joogtada ee Kooxda Al shabaab.

Dadka ayaa su'aallo badan iska waydiinaya waxa keenay inuu joogsado howlgalka, waxaana la hadal hayaa in Saraakiisha sare ee Hay'adaha amniga loo xilsaarey ay lunsadeen dhaqaalihii loogu talo galay Howlgalkii Xasilinta Caasumadda.

GAROWEONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM