Sarkaal katirsan NISA oo lagu dilay Muqdishu

Image

MUQDISHU, Somalia- Sarkaal katirsan ciidamada Nabad Sugidda iyo Sirdoonka Somalia, ayaa lagu dilay magaalada Muqdishu caasumadda Somalia.

Dilka waxaa gaystay Koox dhalinyaro ku hubaysan Bastoolado, kuwaasoo sarkaalkaas ku weeraray Isgoyska Maana-boolyo Degmada Shibis ee Gobolka Banaadir.

Ninka la dilay oo aan ilaa hadda xilkiisa la shaacin ayaa lagu magacaabi jiray Maxamuud Xaaji Cali.

Lama oga sababta loo dilay, balse waxay qayb ka noqonaysaa dilalka qorshaysan ee inta badan lala eegto saraakiisha dowladda.

Marxuumka ayaa qayta kore jirkiisa looga dhuftay ilaa dhow xabadood, isagoo ku naf-baxay halka lagu weeraray.

Majirto ilaa hadda cid sheegatay mas’uuliyadda dilka Sarkaalkaas, balse waxaa loo badinayaa inay ka dambaysay kooxda Al Shabaab.

Maaha markii ugu horaysay weerar lagu qaado mas’uuliyiin katirsan NISA, waxaana dhowr jeer oo hore weerar noocaan ah loogu dilay shakhsiyaad kala duwan oo ku sugnaa Muqdishu.

GAROWEONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM