Somalia: Dagaal ka dhacay duleedka Garbahaarey gobolka Gedo

Image

GARBAHAREY, Somalia - Dagaal culus oo u dhaxeeya Ciidamada dowladda Federaalka Somalia oo garab ka helaya kuwa Ethiopia iyo Al shabaab ayaa saaka waxa uu ka dhacay duleedka degmada Garbahaarey, ee xrunta gobolk Gedo.

Iska-hor-imaadka ayaa billowday markii ay Ciidamada dowladda isku dhaceen Malleeshiyaad katirsan Al shabaab oo miinooyin ku aasayaya wadada dheer ee isku xirt deegaanka Birta-Dheer iyo Garbahaarey.

Cismaan Nuur Xaaji, oo ah ku xigeenka Gudoomiyaha dhanka amniga maamulka gobolka Gedo ayaa u xaqiijiyay Warsidaha Garowe Online in ugu yaraan 3 qof oo labada dhinac ah ay ku dhimatay dagaalka.

“Dagaalka wuxuu dhacay markii Ciidamada oo ku guda jira howlgal miino baaris ah inta u dhaxysa Birta Dheer iyo Garbahaarey, ay soo weeraray Al shabaab,” ayuu yiri Cismaan.

Wuxuu sheegay Cismaan in Al shabaab lagu jebiyay dagaalka, islamarkaana laga dilay labo dagaalyahyan, sidoo kalena laga dhaawacy tiro intaasi ka badan, kuwaasi oo qaarkood goobta looga cararay.

Dadk deegaanka Birta-Dheera ayaa xusay in ay maqlayeen rasaasta hubk culus iyo qaraxyo miino intii uu socday dagaalka, kaasi oo hakad geliyay isku socodkii Gaadiidka wadadka aada degmda Garbahaarey.

Al shabaab dhankooda wali kama aysan hadlin dagaalkan, balse Warbaahinta taageerta ayaa sheegtay in saddex Askari oo katirsanaa Ciidamada Ethiopia la dilay, kuwa kalena ay dhaawacmeen.

GAROWEONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM