Dowladda Somaliland oo waqtiga loo kordhiyay

Image

HARGAYSA, Somaliland- Golaha Guurtida Somaliland oo Labo maalin kahor Guddi u saaray waqtiga ay qabsoomayso doorashada Madaxtooyada maamulkaas ayaa maanta shaaciyay xilliga ay qabsoomayso.

Guddigan oo ka koobnaa 21 xubnood oo Guddoomiye ku-xigeenka golahaas uu madax u ahaa ayaa isku raacay in waqtiga doorashada laga dhigo, 13-12-2017.

Xubnahan oo sidoo kale ka dooday waqtiga doorashada Xildhibaanada golaha degaanka ayaa isku waafaqay in la qabto Bisha Afraad ee isla sannadkan.

Go’aankan ayaa looga dhawaaqay fadhi maanta Xildhibaanadu ku yeesheen magaalada Hargaysa xarunta Somaliland.

Go’aankan ayaa imaanaya xilli dhowr jeer oo hore dib u dhac ku yimid doorashada madaxtooyada Somaliland, waxaana arrintan dabo socotay talo soo jeedin katimid dhinaca xukuumadda oo ay ku raaceen Axsaabta siyaasadda.

Tallaabadan ayaa timid kadib markii la sheegay in waddanka ay ka jiraan abaaro baahsan oo la sheegay inaysan qabsoomi Karin waqtigan cod bixinta shacabka.

Golaha Guurtida ayaa inta badan go’aamiya arrimaha xaasaasiga ah eek u saabsan masiirka maamulka Somaliland.

GAROWEONLINE

Related Articles

Maamulka Somaliland oo Itoobiya kala hadlay muran-xuduudeedka kala dhaxeeya SSC-Khaatumo

Labada dhinac ayaa ka wada hadlay sidii kor loogu qaadi lahaa iskaashiga dhinaca ammaanka.

  • Somaliland

    04-03-2024

  • 02:11PM

Itoobiya oo u dhaqaaqdey fulinta heshiis beenaadkii Somaliland

Talaabadan ayaa waxa ay kusoo aadaysaa xilli Ra'iisul Wasaaraha Itoobiya Abiy Axmed uu ku sugan yahay Kenya halkaas oo uu kawado olole xoogan.

  • Somaliland

    28-02-2024

  • 04:51AM