Toyota oo xarun ka furaneysa caasimada Puntland ee Garowe

Image

GAROWE, Puntland – Shirkadda baabuurta soo saarta ee Toyota ayaa waxay si rasmi ah uga dhawaaqday in ay xarun ka furaneyso, Garowe, magaala madaxda dowladda Puntland.

Maareeyaha guud ee shirkadaasi, Jim Finch, oo ka qeybgalay Shirka Maalgashiga Puntland ee maanta furmay, ayaa wuxuu xusay in dhowaan xarigga laga jari doono faracooda cusub.

"…Waxaan halkaan aaminsan nahay in aan ka heli karno awoodda gobolka [Geeska qaaradda Afrika]," ayuu yiri, isaga oo madasha ka hadlaya.

Shaacintan ayaa waxay talaabo horey loo qaadey noqoneysaa qorshaha xukuumada Deni ee kobcinta dhaqaalaha iyo maalgeshi, taasi oo fursado u abuureysa shacabka.

Toyota oo laga leeyahay dalka Japan ayaa waxaa la aas-aasey sanadku markuu ahaa 1937-dii, waxayna sameysaa baabuurta ugu tayada fiican, iyada oo dalalka ku leh xarumo.

Bishii May ee sanadkii lasoo dhaafay ee 2018-kii ayay ahayd markii ay si rasmi ah shirkadan dib u boorka uga jartay howlgalkeeda dalka Soomaaliya.

Shirka Maalgashiga Puntland oo dardar xoog leh ku bilowday siina socon doona saddexda maalmood ee soo aadan ayaa waxaa aad loogu rajo weyn yahay in uu noqdo mid miro dhal ah.

GAROWE ONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM