Kiisaska Covid-19 ee Soomaaliya oo dhaafay laba kun, geerida oo korortay

Image

MUQDISHO, SOomaaliya - Kiisaska Coronavirus ee guud ahaan Soomaaliya ayaa kor-u-dhaafay laba kun, sidda ku xusan warbixinta maalinlaha ah ee Dowladda Federaalka ah ee Soomaaliya.

Warbixinta ayaa lagu caddeeyay in 24-kii saac ee lasoo dhaafay ay soo kordheen 47 kiisas cusub oo ah Covid-19 kuwaas oo laga kala helay; Somaliland: 28Benadir: 9Puntland: 5 iyo Jubbaland: 5.

Sidda lagu caddeeyay warka qoraalka ah, nukaanadda cusub ayaa 38 kamid ah waxay yihiin Lab, halka Dhediga ay ka yihiin sagaal [9].

Nasiib wanaag, waxaa afar iyo labaatankii saac ee lasoo dhaafay ka caafimaadey xanuunka 13 ruux, halka uu u dhintay hal [1] qof.

Tirada guud ee kiisaska la diiwaan-geliyey ayaa dhan 2,023, halka dhimashadu tahay 79, bogsashadana waxay sii mareysaa 361.

Soomaaliya ayaa kamid ah wadamada dhaca Geeska qaaradda Afrika ee diiwaan-geliyey kiisaska ugu badan ee cudurka dilaaga ah.

Kororka oo si maalinleh ah u socda ayaa kusoo aadeysa xilli ay jiraan warar sheegaya in xukuumadda qorsheyneyso in todobaadkan ay dib u furto duulimaadyadda gudaha ah oo xanuunku hakiyey.

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM