Askari la waayey kadib weerarkii AlShabaab ee Wajeer oo la helay

Afrika
By WARIYAHA MUQDISHO , GAROWE ONLINE
Dhacdadaasi waxaa la xaqiijiyey in ay Kenya ku weysay in ka badan 10 askari | Xuquuqda Sawirka: Daily Nation

NAIROBI, Kenya – Mas'uuliyiinta ayaa Arbacadii xaqiijiyey in nolol lagu helay askari ka tirsan Booliska Kenya kaasi oo la waayey kadib gaari uu ku socdaalayey ay Sabtidii haleeshay Miino.

Stephen Ngetich, taliyaha Booliska Wajeer ayaa shaaciyey in askariga ay dadka degaanka kasoo heleen tuuladda Konton.

Mr Ngetich ayaa intaasi ku daray in sarkaalka Booliska la geeyay isbitaalka magaaladda si tijaabo caafimaad looga qaado.

In ka badan 12 askari ayaa lagu dilay weerarkii Sabtida oo laga soo wariyey inta u dhaxeysa tuulooyinka Kharof Harar iyo Konton.

Laba kale, kuwaasi oo dhowaan uu soo gaarey, ayaa loo qaadey dhanka Naitobi si baxbaano caafimaad loogu sameeyo.

"Askarta kale waanu aasney, qaarka Muslimka ahaa sida ay Diintoodu qabto baa lagu duugay," ayuu u sheegay Daily Nation.

Duulaan

Taliyaha oo sii hadlaya ayaa qashinka ku daray wararka sheegaya in askarta dhowaan halkaasi la geeyay aysan kala aqoonin degaanka.

Khamiistii, Al-Shabaab ayaa ku duushay degaanka Konton waxayna qafaalatay saddex kamid ah askarta keydka ee Kenya.

Sikastaba ha ahaatee, illo wareedyo dhanka sirdoonka ayaa tilmaamaya in kooxda fadhigeedu yahay Soomaaliya ay askartaasi kaga kaxeysatay degaanka mootooynka laba lugood leh.

GAROWE ONLINE

Wararkii ugu dambeeyey