X
FAHFAAHIN:

Kiisaska Coronavirus ee guud ahaan caalamka ayaa gaari kara hal milyan, sidda ay sheegtay WHO. Riix Halkan

Kenya oo saraakiil dibada ugu dirtay qorshe ka dhan ah Al-Shabaab

Afrika
By WARIYAHA NAIROBI , GAROWE ONLINE
Madaxweynaha Kenya, Uhuru Kenyatta

NAIROBI, Kenya – Kenya ayaa waddanka Mareykanka u dirsatay 42 sarkaal sirdoon, sidda ay baahisay saxaafadda maxaliga ah.

Saraakiishaan ayaa tababar 12-asbuuc socon doona waxay kusoo qaadan doonan Akadeemiyadda Hay'adda Sirdoonka Gudaha ee FBI.

Tababarka ay soo qaadan doonan ayaa ku saabsan xeeladaha mukhaabaraad ee la dagaalanka argagixisadda, sidda lagu sheegay qoraal.

"Kadib marka ay soo dhameystaan tababarka waxay kusoo laaban doonan Kenya," ayaa lagu yiri bayaanka oo warbaahinta loo diray.

Tani ayaa kusoo aadeysa iyaddoo todobaadkii hore ay Aqalka Cad ku kulmeen madaxweyne Donald Trump iyo dhigiisa Uhuru Kenyatta.

Talaabada ay Kenya saraakiisha ugu dirty Mareykanka ayaa noqoneysa tii ugu horeysay oo nooceeda oo kale ah.

Khatarta ugu badan ee ammaanka qaranka Kenya waxaa ku haya maleeyshiyaadka gacansaarka la leh shabakadda Al-Qaacida.

Bishii hore, Al-Shabaab oo ku duushay xerada Mareykanku leeyahay ee Manda Bay, gobolka Lamu ee dalka Kenya ayaa dishay Ameerikaan.

Warar lagu kalsoonaan karo ayaa sidoo kale xaqiijiyey in lagu gubay laba diyaaradood, laba helicopter iyo gaadiid nooca dagaalka ah.

GAROWE ONLINE

Wararkii ugu dambeeyey